വിമാനസമയത്തില് മാറ്റം
തിരുവനന്തപുരം: തിരുവനന്തപുരം വിമാനത്താവളത്തില് നിന്നുള്ള ചില ഇന്ത്യന് എയര്ലൈസന്സ് വിമാനങ്ങളുടെ സമയത്തില് മാര്ച്ച് 25 മുതല് മാറ്റം വരുത്തും.
ദില്ലിയിലേക്കുള്ള ഐസി 167 വിമാനം 25 മുതല് ഉച്ചക്ക് 12.45ന് പുറപ്പെടും. വൈകുന്നേരം 6.55ന് വിമാനം ദില്ലിയിലെത്തും. തിരികെയുള്ള വിമാനം രാവിലെ ഒമ്പത് മണിക്ക് പുറപ്പെട്ട് ഉച്ചയ്ക്ക് 1.35ന് തിരുവനന്തപുരത്തെത്തും.
ഐസി 131 ചെന്നൈ-തിരുവനന്തപുരം വിമാനം രാവിലെ 10 മണിക്ക് പുറപ്പെട്ട് 11.10ന് തിരുവനന്തപുരത്തെത്തും. തിരികെയുള്ള വിമാനം വൈകുന്നേരം നാല് മണിക്ക് തിരുവനന്തപുരത്തു നിന്ന് പുറപ്പെടും. ഇത് 1.10ന് ചെന്നൈയിലെത്തിച്ചേരും.
ഐസി 993 ബാംഗ്ലൂര്-തിരുവനന്തപുരം വിമാനം രാവിലെ 10 മണിക്ക് പുറപ്പെട്ട് 12.05ന് തിരുവനന്തപുരത്തെത്തും. ഉച്ചയ്ക്ക് 1.50നാണ് തിരികെയുള്ള വിമാനം. 3.50ന് ഇത് ബാംഗ്ലൂരെത്തും.
തിരുവനന്തപുരം-മാലി വിമാനം 12 മണിക്ക് പുറപ്പെട്ട് 12.40ന് മാലിയിലെത്തും. ഉച്ചയ്ക്ക് 1.30ന് തിരികെയുള്ള വിമാനം പുറപ്പെടും.
തിരുവനന്തപുരം-കൊളംബോ വിമാനം 12.30ന് പുറപ്പെട്ട് 1.55ന് കൊളംബോയിലെത്തും. തിരികെയുള്ള വിമാനം കൊളംബോയില് നിന്ന് മൂന്ന് മണിക്ക് പുറപ്പെടും.