• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വേനല്‍ വന്നു; ആദിത്യപൂജ തുടങ്ങി

  • By Staff

അമ്പലപ്പുഴ: വേനലിന്റെ വരവോടെ മദ്ധ്യതിരുവിതാംകൂറിലെ ചില പ്രദേശങ്ങളിലെ കൊയ്ത്തൊഴിഞ്ഞ പാടങ്ങളില്‍ ആദിത്യപൂജകള്‍ തുടങ്ങി.

വേനല്‍ കടുത്തതോടെയാണ് പൂജകള്‍ തുടങ്ങിയിട്ടുള്ളത്. അമ്പലപ്പുഴ താലൂക്കിലെ വടക്കുഭാഗങ്ങളിലും ചേര്‍ത്തല, വൈക്കം പ്രദേശങ്ങളിലുമാണ് പരമ്പരാഗതമായി ആദിത്യ പൂജ നടക്കുന്നത്. മീനം പിറന്നതോടെ ഇക്കുറിയും പലയിടങ്ങളിലും ആദിത്യപൂജ തുടങ്ങിക്കഴിഞ്ഞു. മേടം പത്തുവരെ ആദിത്യപൂജകള്‍ നടക്കും.

കടുത്ത വേനലില്‍ നിന്നും വിളവുകളെ രക്ഷിക്കാനായി സൂര്യനെ പ്രീതിപ്പെടുത്താന്‍ പൂജ സഹായിക്കുമെന്നാണ് വിശ്വാസം. സൂര്യന്റെ സഹായത്തോടെ നല്ല വിളവുകള്‍ കിട്ടിയതിന്റെ ആദരസൂചകമായാണ് പൂജ നടത്തുന്നതെന്നും വിശ്വാസമുണ്ട്. പ്രകൃതിക്ഷോഭം ഉണ്ടാകാതിരിക്കാനാണ് സൂര്യനെ ആരാധിക്കുന്നതെന്നും ചിലര്‍ വിശ്വസിക്കുന്നു. ദ്രാവിഡരും ഇതുപോലെ സൂര്യനെ ആരാധിച്ചിരുന്നുവെന്ന് സാമൂഹ്യശാസ്ത്രജ്ഞര്‍ ചൂണ്ടിക്കാണിക്കുന്നു.

അപ്പമുണ്ടാക്കി സൂര്യന് നിവേദിക്കുന്നതാണ് ആദിത്യപൂജയുടെ പ്രധാന ചടങ്ങ്. അപ്പം ഒരു പ്രത്യേക രീതിയില്‍ താലത്തില്‍ അടുക്കിയ ശേഷം വിളവെടുപ്പ് കഴിഞ്ഞ പാടത്തിന്റെ മധ്യത്തില്‍ വന്ന് സൂര്യന് അഭിമുഖമായി ഉയര്‍ത്തിക്കാട്ടുന്നു. ഉച്ചയ്ക്ക് മുമ്പാണ് അപ്പം നിവേദിക്കുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X