കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വടകര ദളിന് തലവേദനയാകുന്നു

  • By Staff
Google Oneindia Malayalam News

കോഴിക്കോട്: വടകര സീറ്റില്‍ ഒരു സ്ഥാനാര്‍ത്ഥിയെ പ്രഖ്യാപിക്കാന്‍ കഴിയാതെ ജനതാ ദള്‍ നേതൃത്വം വലയുന്നു. ഈ സീറ്റിനു വേണ്ടി രണ്ട് ദള്‍ നേതാക്കള്‍ പിടിമുറുക്കിയിരിക്കുന്നതാണ് കാര്യങ്ങള്‍ വഷളാക്കിയത്.

കഴിഞ്ഞ തിരഞ്ഞെടുപ്പില്‍ ഇവിടെ നിന്നും ജയിച്ച മന്ത്രി സി.കെ. നാണുവും അഡ്വ. പ്രേംനാഥും വടകരസീറ്റ് വേണമെന്ന പിടിവാശിയിലാണ്. ഇക്കാര്യത്തില്‍ തീരുമാനമെടുക്കാന്‍ പാര്‍ട്ടി മൂന്നംഗ സമിതിയെ നിയോഗിച്ചിരിക്കുകയാണ്. മറ്റ് 11 സീറ്റുകളിലും ജനതാദള്‍ സ്ഥാനാര്‍ത്ഥികളെ തീരുമാനിച്ചുകഴിഞ്ഞു.

നളിനി നെറ്റോ കേസില്‍ പെട്ട് മന്ത്രിസ്ഥാനം നഷ്ടപ്പെട്ട നീലലോഹിതദാസന്‍ നാടാര്‍ തന്നെയാണ് കോവളത്ത് ഇക്കുറിയും മത്സരിക്കുന്നത്. സംസ്ഥാന തിരഞ്ഞെടുപ്പ് കമ്മീഷണര്‍ സ്ഥാനം രാജിവച്ച എം.എസ്. ജോസഫ് ഇടുക്കിയിലും രാഷ്ട്രദീപിക മാനേജിംഗ് ഡയറക്ടര്‍ പ്രഫ. വി.ജെ. പാപ്പു അങ്കമാലിയിലും ദളിന്റെ സ്വതന്ത്രസ്ഥാനാര്‍ത്ഥികളാണ്.

അഡ്വ.എസ്.ബി. റോസ് ചന്ദ്രന്‍(നെയ്യാറ്റിന്‍കര), ഡോ.വര്‍ഗീസ് ജോര്‍ജ്ജ് (തിരുവല്ല), എം.എ.പൗലോസ് (ചാലക്കുടി), പ്രഫ. എബ്രഹാം മാത്യു (മഞ്ചേരി), കെ. കൃഷ്ണന്‍കുട്ടി (ചിറ്റൂര്‍), കെ.കെ. ഹംസ (കല്പറ്റ), സി.മൊഹ്സിന്‍(കൊടുവള്ളി), കെ.പി. മോഹനന്‍(പെരിങ്ങളം) എന്നിവരാണ് മറ്റ് സ്ഥാനാര്‍ത്ഥികള്‍.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X