കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കേതന്‍ പരേഖ് അറസ്റ്റില്‍

  • By Staff
Google Oneindia Malayalam News

ദില്ലി: പ്രമുഖ ഓഹരി ദല്ലാള്‍ കേതന്‍ പരേഖിനെ സി ബി ഐ അറസ്റ്റ് ചെയ്തു. മാര്‍ച്ച് 30 വെള്ളിയാഴ്ചയായിരുന്നു അറസ്റ്റ്. ബാങ്ക് ഓഫ് ഇന്ത്യയെ 137 കോടി രൂപയുടെ വ്യാജ പേ ഓര്‍ഡര്‍ നല്‍കി കബളിപ്പിച്ചുവെന്ന കേസിലാണ് കേതനെ അറസ്റ്റ് ചെയ്തത്.

കേതന്‍ പരേഖിന് ബാങ്ക് ഓഫ് ഇന്ത്യ നല്‍കിയ 137 കോടി രൂപയ്ക്ക് പകരം നല്‍കിയ പേ ഓര്‍ഡര്‍ വ്യാജമാണെന്ന ബാങ്കിന്റെ പരാതിയിന്മേല്‍ സി ബി ഐ കേസെടുത്ത് അന്വേഷണം നടത്തുകയായിരുന്നു. ബാങ്കിന്റെ പരാതി സത്യമാണെന്ന് കണ്ട് സി ബി ഐ അധികൃതര്‍ കേതനെ ചോദ്യം ചെയ്യുകയും തുടര്‍ന്ന് അറസ്റ്റ് ചെയ്യുകയുമായിരുന്നു. അന്വേഷണത്തോടനുബന്ധിച്ച് സി ബി ഐ കേതന്‍ പരേഖിന്റെ 11 ഓഫീസുകളില്‍ റെയ്ഡ് നടത്തുകയും പേ ഓര്‍ഡര്‍ കുഭകോണം തെളിയിക്കുന്ന വിലപ്പെട്ട രേഖകള്‍ പിടിച്ചെടുക്കുകയും ചെയ്തിരുന്നു.

പേ ഓര്‍ഡര്‍ കുംഭകോണം 1992 ല്‍ ഹര്‍ഷദ് മേത്ത നടത്തിയ ബാങ്ക് സെക്യൂരിറ്റി കുംഭകോണത്തോട് സമാനമാണെന്ന് സി ബി ഐ അധികൃതര്‍ ദില്ലിയില്‍ വ്യക്തമാക്കി.

അടുത്തയിടെ ഓഹരിവിപണിയിലുണ്ടായ വന്‍ തകര്‍ച്ചയ്ക്ക് കാരണം കേതന്‍ പരേഖും മറ്റ് ചില പ്രമുഖ ബ്രോക്കര്‍മാരും നടത്തിയ സാമ്പത്തിക ക്രമക്കേടുകളായിരുന്നുവെന്ന് തെളിഞ്ഞിട്ടുണ്ട്. ഈ ക്രമക്കേടുകളിലുള്‍പ്പെട്ട മറ്റ് ബ്രോക്കര്‍മാരെയും സി ബി ഐ ഉടന്‍ അറസ്റ്റ് ചെയ്യുമെന്ന് അന്വേഷണ ഏജന്‍സി വൃത്തങ്ങള്‍ സൂചിപ്പിച്ചു.

വെള്ളിയാഴ്ച മുംബൈയില്‍ കേതന്‍ പരേഖിനോടൊപ്പം രണ്ട് അടുത്ത ബന്ധുക്കളും അറസ്റ്റിലായിട്ടുണ്ട്. ഇവരെ ശനിയാഴ്ച കോടതിയില്‍ ഹാജരാക്കും. പേ ഓര്‍ഡര്‍ കുംഭകേണത്തില്‍ ബാങ്ക് ഓഫ് ഇന്ത്യയിലെ ചില ഉദ്യോഗസ്ഥര്‍ക്കും പങ്കുണ്ടെന്ന് സി ബി ഐ സൂചിപ്പിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X