കേതന് പരേഖ് കുറ്റം സമ്മതിച്ചു
മുംബൈയ്: ബാങ്ക് ഓഫ് ഇന്ത്യയെ 137 കോടി രൂപയുടെ വ്യാജ പേ ഓര്ഡര് നല്കി കബളിപ്പിച്ച കേസില് ഓഹരി ദല്ലാള് കേതന് പരേഖ് കുറ്റം സമ്മതിച്ചതായി സിബിഐയുടെ അന്വേഷണ ഉദ്യോഗസ്ഥന്.
ഒരു വെബ്സൈറ്റിന് നല്കിയ അഭിമുഖത്തിലാണ് സിബിഐ പൊലീസ് സൂപ്രണ്ട് ഹേമന്ത് നഗ്രാളെ ഇത് വെളിപ്പെടുത്തിയത്. ബാങ്കുകളില് നിന്നും കടമെടുത്ത് അത് ഓഹരി കമ്പോളത്തില് ഇറക്കിയെങ്കിലും ബിസിനസ് തകരുകയാണുണ്ടായതെന്ന് കേതന് സമ്മതിച്ചതായി ഹേമന്ത് വെളിപ്പെടുത്തുന്നു.
മറ്റ് ബാങ്കുകളെ കേതന് പരേഖ് ഇതുപോലെ കബളിപ്പിച്ചിട്ടുണ്ടോ എന്നതിനെ കുറിച്ച് അന്വേഷണം നടക്കുന്നതേയുള്ളുവെന്നും ഹേമന്ത് പറഞ്ഞു. അഹമദാബാദിലെ കോടിക്കണക്കിന് രൂപയുടെ കുംഭകോണവുമായി കേതന് ബന്ധമുണ്ടോ എന്നതും അന്വേഷിക്കുമെന്ന് ഹേമന്ത് അറിയിച്ചു.
ബാങ്ക് ഓഫ് ഇന്ത്യയിലെ ഒരു ഉന്നത ഉദ്യോഗസ്ഥന് കുംഭകോണത്തില് പങ്കുണ്ട്. അതാരാണെന്ന് അന്വേഷിക്കുകയാണെന്ന് ഹേമന്ത് വെളിപ്പെടുത്തി. എന്തായാലും ബാങ്കിലെ ചില ഉദ്യോഗസ്ഥര് ഇതില് പങ്കാളികളാണെന്നും ഹേമന്ത് അഭിമുഖത്തില് വ്യക്തമാക്കി.