മന്ത്രി നാണുവിനെതിരെ വിമത സ്ഥാനാര്ത്ഥി
വടകര: നിയമസഭാ മണ്ഡലത്തില് ജനതാദള് സ്ഥാനാര്ത്ഥിയായ വനം മന്ത്രി സി. കെ. നാണുവിനെതിരെ വിമത സ്ഥാനാര്ത്ഥിയായി അഡ്വ. എം. കെ. പ്രേംനാഥ് മത്സരിക്കും.
ഏപ്രില് ഒന്ന് ഞായറാഴ്ച വടകരയില് ചേര്ന്ന ജനതാദള് മണ്ഡലം കണ്വെന്ഷനാണ് പ്രേംനാഥിനെ വിമത സ്ഥാനാര്ത്ഥിയായി പ്രഖ്യാപിച്ചത്. മന്ത്രി നാണുവിന്റെ സ്ഥാനാര്ത്ഥിത്വം പുനഃപരിശോധിക്കണമെന്ന് സംസ്ഥാന നേതൃത്വത്തോട് മണ്ഡലം കമ്മിറ്റി ആവശ്യപ്പെട്ടിട്ടുണ്ട്.
ില് പ്രേംനാഥിനെ സ്ഥാനാര്ത്ഥിയാക്കാനാണ് ആദ്യം തീരുമാനിച്ചതെങ്കിലും അവസാന നിമിഷം തീരുമാനം മാറ്റുകയായിരുന്നു. പ്രേംനാഥ് പക്ഷം സീറ്റിന് വേണ്ടി അവകാശമുന്നയിച്ചതിനെ തുടര്ന്ന് തര്ക്കം പരിഹരിക്കാന് മൂന്നംഗ സമിതിയെ നിയോഗിച്ചിരുന്നു. എന്നാല് സ്ഥാനാര്ത്ഥിത്വം തീരുമാനിക്കാന് സമിതിക്ക് അധികാരമില്ലെന്നായിരുന്നു പ്രേംനാഥ് പക്ഷം വാദിച്ചത്.
നിയമസഭാ തിരഞ്ഞെടുപ്പിനുള്ള സ്ഥാനാര്ത്ഥികളെ പ്രഖ്യാപിച്ചതു മുതല് ജനതാദള് പിളര്പ്പിന്റെ വക്കിലാണ്. സീറ്റ് സുലൈമാന് റാവുത്തര്ക്ക് നല്കാത്തത് പ്രശ്നങ്ങള്ക്കിടയാക്കിയിട്ടുണ്ട്. റാവുത്തര് വിമതനായി മത്സരിക്കുമെന്നാണ് സൂചന. ഷേക്ക് പി. ഹാരീസ് ഉള്പ്പടെയുള്ള യുവനേതാക്കള്ക്ക് സീറ്റ് നിഷേധിച്ചതില് യുവജനതാദള് ഇടഞ്ഞു നില്ക്കുകയാണ്.