മീരാസാഹിബിനെ പുറത്താക്കി
തിരുവനന്തപുരം: കേരളത്തിന്റെ അന്താരാഷ്ട്ര ചലച്ചിത്രോത്സവത്തിന്റെ ഡയറക്ടര്മാരിലൊരാളായിരുന്ന മീരാ സാഹിബിനെ ചലച്ചിത്ര അക്കാദമിയുടെ ജനല് കൗണ്സിലില് നിന്ന് ഏപ്രില് 10 ചൊവാഴ്ച നീക്കം ചെയ്തു. അക്കാദമി നിര്വാഹക സമിതിയില് നിന്നും അദ്ദേഹത്തെ നീക്കം ചെയ്തിട്ടുണ്ട്.
അക്കാദമി ചെയര്മാന് ഷാജി എന്. കരുണുമായി മീരാ സാഹിബിനുളള അഭിപ്രായഭിന്നതകളാണ് അദ്ദേഹത്തെ സ്ഥാനഭ്രഷ്ടനാക്കിയത് എന്ന് കരുതുന്നു. ചലച്ചിത്രമേളയില് ഓപ്പണ് ഫോറത്തില് അക്കാദമിക്കെതിരെ രൂക്ഷവിമര്ശനം ഉണ്ടായപ്പോള് മീരാ സാഹിബ് അതിനെ ശരിവക്കുന്ന മറുപടികള് നല്കിയിരുന്നു. ഇത് ഷാജിയെ ചൊടിപ്പിച്ചുവെന്നാണ് കരുതുന്നത്.
അക്കാദമി എക്സിക്യൂട്ടീവ് തീരുമാനങ്ങള് ചോര്ത്തിയെന്നാരോപിച്ച് മീരാസാഹിബിനെ നീക്കം ചെയ്യാന് ഷാജി സര്ക്കാരിനോട് അഭ്യര്ത്ഥിക്കുകയായിരുന്നു. സംസ്ഥാന ചലച്ചിത്ര അവാര്ഡ് സംബന്ധിച്ച് ഹൈക്കോടതിയില് സമര്പ്പിക്കാന് എക്സിക്യൂട്ടിവ് യോഗം ഒരു മിനിറ്റ്സ് തയ്യാറാക്കിയിരുന്നു. ഇത് ചോര്ത്തിയെന്നാരോപിച്ചാണ് മീരാസാഹിബിനെ പുറത്താക്കിയിരിക്കുന്നത്.
സംസ്ഥാന ചലച്ചിത്ര അവാര്ഡുകള് ഹൈക്കോടതി വിധിക്ക് വിധേയമായിരിക്കുമെന്നാണ് കോടതി ഉത്തരവിട്ടിരിക്കുന്നത്. കോടതിയുടെ അന്തിമ വിധി വരുംമുമ്പു തന്നെ അക്കാദമി അവാര്ഡ് വിതരണം നടത്തിയിട്ടുണ്ട്. അവാര്ഡ് തീരുമാനം കോടതി റദ്ദാക്കിയാല് അക്കാദമിക്ക് അത് കനത്ത തിരിച്ചടിയാകും.