കോട്ടയത്ത് 9 മണ്ഡലങ്ങളിലും ഐ ഗ്രൂപ്പ് സ്ഥാനാര്‍ഥി

കോട്ടയം: കോട്ടയം ജില്ലയിലെ പത്ത് മണ്ഡലങ്ങളില്‍ ഒമ്പതിലും റിബല്‍ സ്ഥാനാര്‍ഥിയെ നിര്‍ത്താന്‍ ഐ ഗ്രൂപ്പ് നീക്കം. പുതുപ്പള്ളിയില്‍ ഉമ്മന്‍ചാണ്ടിക്കെതിരെ മത്സരിക്കുന്ന ചെറിയാന്‍ ഫിലിപ്പിനെ ഐ ഗ്രൂപ്പ് പിന്തുണക്കുകയും ചെയ്യും.

കാഞ്ഞിരപ്പള്ളിയില്‍ കെ.പി. ഷൗക്കത്തിനെ ഐ ഗ്രൂപ്പ് റിബല്‍ സ്ഥാനാര്‍ഥിയായി പ്രഖ്യാപിച്ചുകഴിഞ്ഞു. കാഞ്ഞിരപ്പള്ളിയില്‍ ചേര്‍ന്ന ഐ ഗ്രൂപ്പ് കണ്‍വെന്‍ഷനാണ് ഇതുസംബന്ധിച്ച തീരുമാനമെടുത്തത്.

കോട്ടയത്ത് ഡിസിസി ജനറല്‍ സെക്രട്ടറി എ.ജി.ശശിധരനെയും പാലായില്‍ കെ.കെ.എബ്രഹാമിനെയും ചങ്ങനാശേരിയില്‍ ജോസി സെബാസ്റ്യനെയും വൈക്കത്ത് പി.കെ.ഗോപിയെയും നിര്‍ത്താനാണ് നീക്കം. മറ്റ് മണ്ഡലങ്ങളിലെ റിബല്‍ സ്ഥാനാര്‍ഥികളെ കുറിച്ച് മാര്‍ച്ച് 11 ബുധനാഴ്ച കോട്ടയത്ത് ചേരുന്ന ഐ ഗ്രൂപ്പ് രഹസ്യയോഗത്തില്‍ തീരുമാനമുണ്ടാവും.