തെഹല്ക: പാര്ലമെന്റില് ബഹളം
ദില്ലി: തെഹല്ക പുറത്തു കൊണ്ടുവന്ന കോഴവിവാദത്തെ കുറിച്ച് സംയുക്ത പാര്ലമെന്ററി സമിതി അന്വേഷിക്കണമെന്നാവശ്യപ്പെട്ട് കോണ്ഗ്രസ് അംഗങ്ങള് ബഹളം വച്ചതിനെ തുടര്ന്ന് ലോക്സഭ ഉച്ച വരെ നിര്ത്തിവച്ചു.
ഏപ്രില് 17 ചൊവാഴ്ച സഭ സമ്മേളിച്ചയുടന് തന്നെ മുദ്രാവാക്യം വിളികളുമായി കോണ്ഗ്രസ് അംഗങ്ങള് സഭയുടെ നടുത്തളത്തിലിറങ്ങി. എന്നാല് സഭയില് ചര്ച്ചയ്ക്ക്് ശേഷം മാത്രമേ പ്രശ്നത്തില് മേല് എന്തെങ്കിലും നടപടി സര്ക്കാര് സ്വീകരിക്കുകയുള്ളു എന്ന് പാര്ലമെന്ററി കാര്യ മന്ത്രി പ്രമോദ് മഹാജന് അറിയിച്ചു.
തുടര്ന്ന് പ്രശ്നത്തില് മേല് അടിയന്തിര പ്രമേയം ആവശ്യപ്പെട്ടിരുന്ന ആര്ജെഡി അംഗം രഘുവംശപ്രസാദ് യാദവിനെയും സമാജ്വാദിപാര്ട്ടിയിലെ അഖിലേഷ് പ്രതാപ് സിംഗിനെയും സംസാരിക്കാന് സ്പീക്കര് അനുവദിച്ചു.
സംഭവത്തില് ഉള്പ്പെട്ടിട്ടുള്ളവര്ക്കെതിരെ നടപടിയെടുത്ത ശേഷം മാത്രം ചര്ച്ച മതിയെന്നാണ് കോണ്ഗ്രസിന്റെ നിലപാടെന്ന് പാര്ട്ടി നേതാവ് മാധവറാവു സിന്ധ്യ പറഞ്ഞു. ഇതിനെ എതിര്ത്ത ബിജെപി അംഗങ്ങളുമായി കോണ്ഗ്രസ് അംഗങ്ങള് വാക്കേറ്റം നടത്തുകയായിരുന്നു. ബഹളം നിയന്ത്രണാതീതമായപ്പോള് സഭ പിരിയുന്നതായി സ്പീക്കര് പ്രഖ്യാപിച്ചു.