ആന്റണി പത്രിക സമര്‍പ്പിച്ചു

തിരുവനന്തപുരം: പ്രതിപക്ഷനേതാവ് എ കെ ആന്റണി നിയമസഭാ തിരഞ്ഞെടുപ്പിനുള്ള നാമനിര്‍ദ്ദേശ പത്രിക സമര്‍പ്പിച്ചു. ഏപ്രില്‍ 19 വ്യാഴാഴ്ചയാണ് ആന്റണി ചേര്‍ത്തലയില്‍ തൈക്കാട്ടുശേരി ബി ഡി ഒ മുമ്പാകെയാണ് പത്രിക നല്‍കിയത്.

കെ എം മാണി, പി ജെ ജോസഫ്, ഉമ്മന്‍ ചാണ്ടി, പി കെ കുഞ്ഞാലിക്കുട്ടി, ടി എം ജേക്കബ്, കെ ഇ ഇസ്മായില്‍, കൃഷ്ണന്‍ കണിയാംപറമ്പില്‍ തുടങ്ങിയവരും വ്യാഴാഴ്ച പത്രിക സമര്‍പ്പിച്ചു.

പത്രിക നല്‍കാന്‍ ഏറ്റവും പറ്റിയ സമയം വ്യാഴാഴ്ച ഉച്ച തിരിഞ്ഞാണെന്ന ജ്യോതിഷ പ്രവചന പ്രകാരം മിക്കവരും ആ സമയത്താണ് പത്രിക സമര്‍പ്പിച്ചത്. ആകെ 208 പത്രികകള്‍ വ്യാഴാഴ്ച സമര്‍പ്പിക്കപ്പെട്ടു.