ജൂലൈ 15 മുതല്‍ നാല് തീവണ്ടികള്‍

തൃശൂര്‍: കേരളത്തില്‍ നാല് പുതിയ തീവണ്ടികള്‍ ജൂലൈ 15ന് ഓടിത്തുടങ്ങും. ജയ്പൂര്‍-എറണാകുളം, വോക്ക-എറണാകുളം, പൂന-എറണാകുളം, ഹൗറ-തിരുവനന്തപുരം-നാഗര്‍കോവില്‍ തീവണ്ടികളാണ് ഓടിത്തുടങ്ങുന്നത്.

പാലക്കാട് നിന്ന് തിരുവനന്തപുരത്തേക്കുള്ള തീവണ്ടി ആഗസ്തില്‍ ഓടിത്തുടങ്ങും. ദക്ഷിണറെയില്‍വേ മാനേജര്‍ എസ്.മാര്‍ക്കോസാണ് ഇക്കാര്യം അറിയിച്ചത്.

കേരളത്തിലെ റെയില്‍വേ വികസന പ്രവര്‍ത്തനത്തിനായി 295 കോടി രൂപ അനുവദിച്ചിട്ടുണ്ട്.

കമ്പ്യൂട്ടര്‍വത്കൃത എന്‍ക്വയറി സംവിധാനം താമസിയാതെ ഏര്‍പ്പെടുത്തുമെന്നും മാര്‍ക്കോസ് പറഞ്ഞു.