അതിര്ത്തിയില് വീണ്ടും വെടിവയ്പ്പ്
ഗുവാഹട്ടി: ഇന്ത്യാ ബംഗ്ലാദേശ് അതിര്ത്തിയില് ഏപ്രില് 19വ്യാഴാഴ്ച അര്ദ്ധരാത്രിയോടെ വീണ്ടും വെടിവയ്പ്പുണ്ടായി.
അസമിന്റെ അതിര്ത്തിയില് ബംഗ്ലാദേശ് റൈഫിള്സും അതിര്ത്തി സംരക്ഷണ സേനയും തമ്മില് അര്ദ്ധരാത്രിക്ക് ശേഷവും നേരിയ തോതില് വെടിവയ്പ്പ് നടന്നുവെന്ന് അസമിലെ ധുബ്രി ജില്ലാ പൊലീസ് മേധാവി എ. ജെ. ബറുവ ഏപ്രില് 20 വെള്ളിയാഴ്ച അറിയിച്ചു.
പിന്വാങ്ങലിനിടയില് പരിഭ്രാന്തരായ സൈന്യം പരസ്പരം വെടിവച്ചതായിരിക്കാമെന്ന് അതിര്ത്തി സംരക്ഷണ സേനാ അധികൃതര് പറഞ്ഞു. ഇപ്പോള് അതിര്ത്തി മേഖല ശാന്തമാണെങ്കിലും ജനങ്ങള് ഭയചകിതരാണ്.
വ്യാഴാഴ്ച ഇരു രാജ്യങ്ങളുടേയും ഉന്നത സേനാ അധികൃതര് നടത്തിയ ഫ്ലാഗ് മീറ്റിംഗില് ബംഗ്ലാദേശ് സേന പിന്മാറുമെന്ന് തീരുമാനിച്ചിരുന്നു. വെടിവയ്പ്പില് കൊല്ലപ്പെട്ട അഞ്ച് ബിഎസ്എഫ് ഗാര്ഡുകളുടെ മൃതദേഹം ഏപ്രില് 20 വെള്ളിയാഴ്ച വൈകുന്നേരത്തോടെ ഇന്ത്യക്ക് കൈമാറുമെന്ന് കരുതപ്പെടുന്നു.