കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കേരളീയര്‍ക്ക് പ്രിയം റമ്മും ബ്രാന്‍ഡിയും

  • By Staff
Google Oneindia Malayalam News

കൊച്ചി: കേരളീയര്‍ക്ക് ഏറ്റവും പ്രിയങ്കരമായ മദ്യം റമ്മാണ്. റം കഴിഞ്ഞാല്‍ പിന്നത്തെ ഇഷ്ടം ബ്രാന്‍ഡിയോട്. പ്രതിവര്‍ഷം 71 ലക്ഷം കെയ്സ് . ഇന്ത്യന്‍ നിര്‍മിത വിദേശമദ്യം കേരളത്തില്‍ ചെലവാകുന്നുണ്ടെന്നും മദ്യവില്‍പന കമ്പനികളുടെ കണക്കുകള്‍ ചൂണ്ടിക്കാണിക്കുന്നു.

വിദേശമദ്യ വില്‍പനയിലെ വളര്‍ച്ചാനിരക്കില്‍ കേരളം ദേശീയശരാശരിയെയും മറികടക്കുന്നു. പത്തുശതമാനമാണ് വിദേശമദ്യവില്‍പനയില്‍ സംസ്ഥാനത്തെ വളര്‍ച്ചാ നിരക്ക്. ദേശീയശരാശരിയാകട്ടെ ഇതിന്റെ പകുതിയേ വരുന്നുള്ളൂ.

സംസ്ഥാനത്ത് വിറ്റഴിക്കുന്ന വിദേശമദ്യത്തില്‍ 53 ശതമാനം റമ്മാണ്. ഏതാണ്ട് 39 ലക്ഷം കെയ്സാണ് കേരളത്തിലെ കുടിയന്മാര്‍ കുടിച്ചു തീര്‍ക്കുന്നത്. 41 ശതമാനവുമായി ബ്രാന്‍ഡി തൊട്ടുപിന്നിലുണ്ട്. വിസ്കി കഴിക്കുന്നവര്‍ വളരെ കുറവാണെന്ന് കണക്കുകള്‍ സൂചിപ്പിക്കുന്നു. വെറും നാലു ശതമാനമേ വിസ്കിപ്രിയര്‍ ഉള്ളൂ. എന്നാല്‍ ദേശീയതലത്തില്‍ വിസ്കിക്കാണ് പ്രിയം. 65 ശതമാനമാണ് ദേശീയതലത്തില്‍ വിസ്കി വിറ്റഴിയുന്നത്.

കഴിഞ്ഞ നാലു വര്‍ഷത്തിനകം കേരളത്തില്‍ ബ്രാന്‍ഡിയുടെ വില്‍പന ഗണ്യമായി വര്‍ദ്ധിച്ചിട്ടുണ്ടെന്ന് യു ബി ഗ്രൂപ്പ് കമ്പനിയായ ഹെര്‍ബര്‍ട്ട്സണ്‍ ലിമിറ്റഡിന്റെ കേരളത്തിലെ വിപണന ചുമതല വഹിക്കുന്ന ഇ ജെ തോമസ് പറഞ്ഞു. നാലു വര്‍ഷത്തിനകം ബ്രാന്‍ഡിയുടെ വില്‍പന 81.7 ശതമാനം കണ്ട് വര്‍ദ്ധിച്ചിട്ടുണ്ട്. കേരളത്തിനു പുറമേ തമിഴ്നാട്ടിലും ആന്ധ്രയിലുമാണ് ബ്രാന്‍ഡി ഏറ്റവും കൂടുതല്‍ വിറ്റഴിയുന്നത്.

കേരളത്തില്‍ ഏറ്റവും കൂടുതല്‍ വിറ്റഴിയപ്പെടുന്ന ബ്രാന്‍ഡ് ഹെര്‍ബര്‍ട്ട്സണ്‍ കമ്പനിയുടെ ഹണിബീ ബ്രാന്‍ഡിയാണെന്ന് ഹെര്‍ബര്‍ട്ട്സണ്‍ മാര്‍ക്കറ്റിംഗ് മാനേജര്‍ രോഹിത് സൂദ് ചൂണ്ടിക്കാട്ടി.1999 ല്‍ കമ്പനി കേരളത്തില്‍ പത്തുലക്ഷം കെയ്സ് ഹണിബീ വിറ്റഴിച്ച് റെക്കോര്‍ഡിട്ടു. ഈ വിജയത്തിന്റെ ചുവട് പിടിച്ച്, മറ്റൊരു പ്രീമിയം ബ്രാന്‍ഡായ ജോയ് ഡി ഫ്രാങ്ക് കമ്പനി കേരളത്തില്‍ അവതരിപ്പിക്കുകയാണ്.

സംസ്ഥാന സര്‍ക്കാരിന്റെ പുതിയ മദ്യനയം പ്രീമിയം ഉത്പന്നങ്ങളുടെ വില്‍പനയില്‍ 20 ശതമാനം വളര്‍ച്ചയുണ്ടാക്കുമെന്നാണ് ഇന്ത്യന്‍ നിര്‍മിത വിദേശമദ്യവിപണനക്കാര്‍ കണക്കു കൂട്ടുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X