ബദരീ-കേദാര്‍നാഥ് തീര്‍ത്ഥാടനം തുടങ്ങുന്നു

ഡെറാഡൂണ്‍: ഉത്തരാഞ്ചലിലെ ബദരീനാഥിലേക്കും കേദാര്‍നാഥിലേക്കും തീര്‍ത്ഥാടനത്തിന് നേരമായി. ഏപ്രില്‍ 28 ശനിയാഴ്ച കേദാര്‍നാഥും ഏപ്രില്‍ 30 തിങ്കളാഴ്ച ബദരീനാഥും തീര്‍ത്ഥാടകര്‍ക്കായി തുറന്നുകൊടുക്കും.

ജോഷിമഠില്‍ നിന്നും വിഗ്രഹങ്ങള്‍ ബദരീനാഥിലേക്കു കൊണ്ടുപോകാന്‍ ഒരു സംഘം ഇവിടെ എത്തിക്കഴിഞ്ഞതായി ബദരീനാഥ്-കേദാര്‍നാഥ് ക്ഷേത്രസമിതി പ്രതിനിധികള്‍ പറഞ്ഞു. കഴിഞ്ഞ വര്‍ഷം ആരംഭിച്ച ബദരീനാഥിന്റെ പുനരുദ്ധാരണ പ്രവര്‍ത്തനങ്ങള്‍ അതിന്റെ അവസാന ദശയിലാണ്. മണ്ണിടിച്ചില്‍ മൂലം ഉണ്ടായ റോഡിലെ പ്രധാനതടസ്സങ്ങളെല്ലാം നീക്കം ചെയ്തുകഴിഞ്ഞു.

ഗംഗോത്രിയിലേക്കും യമുനോത്രിയിലേക്കുമുള്ള യാത്രാക്കാലം മെയില്‍ ആരംഭിക്കും. കൈലാസ്-മാനസസരോവര്‍ യാത്ര ജൂണ്‍ ഒന്നിനാണ് തുടങ്ങുക.