എന്‍എസ്എസ് നിലപാടില്‍ മാറ്റമില്ല

ചങ്ങനാശ്ശേരി: ഇരുമുന്നണികളോടും സമദൂരം പാലിക്കുകയെന്ന നിലപാടില്‍ മാറ്റം വരുത്തേണ്ടതില്ലെന്ന് എന്‍എസ്എസ് തീരുമാനിച്ചു.

ഏപ്രില്‍ 22 ഞായറാഴ്ച ചങ്ങനാശ്ശേരിയില്‍ ചേര്‍ന്ന സംഘടനയുടെ ഡയറക്ടര്‍ ബോര്‍ഡ് യോഗമാണ് ഇങ്ങനെയൊരു തീരുമാനമെടുത്തത്. എന്നാല്‍ എന്‍എസ്എസിന്റെ നയങ്ങളോട് അനുഭാവമുള്ള സ്ഥാനാര്‍ത്ഥികളെ കക്ഷിഭേദമന്യെ പിന്തുണയ്ക്കുമെന്ന് എന്‍എസ്എസ് വൃത്തങ്ങള്‍ അറിയിച്ചു.

ഈ നിലപാടനുസരിച്ച് സ്ഥാനാര്‍ത്ഥികളെ നോക്കി വോട്ട് ചെയ്യാന്‍ കരയോഗങ്ങള്‍ക്ക് നിര്‍ദേശം നല്‍കും. എന്നാല്‍ പിന്തുണയ്ക്കാന്‍ സാധ്യതയുള്ള സ്ഥാനാര്‍ത്ഥികളുടെ പേരുകള്‍ വെളിപ്പെടുത്താന്‍ എന്‍എസ്എസ് നേതൃത്വം തയാറായില്ല.