കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആരുടെ വോട്ടും സ്വീകരിക്കും: ഇ.അഹമ്മദ്

  • By Staff
Google Oneindia Malayalam News

തിരുവനന്തപുരം: ഉപാധികളും ചരടുകളുമില്ലാതെ ആരുടെ വോട്ടും യുഡിഎഫ് സ്വീകരിക്കുമെന്ന് മുസ്ലിം ലീഗ് അഖിലേന്ത്യാ ജനറല്‍ സെക്രട്ടറി ഇ.അഹമ്മദ് പറഞ്ഞു. ഇക്കാര്യത്തില്‍ ബിജെപിയെന്നോ പിഡിപിയെന്നോയുള്ള വ്യത്യാസമില്ലെന്ന് അദ്ദേഹം പറഞ്ഞു.

തീവ്രവാദ പാര്‍ട്ടിയായ പിഡിപി മുഖ്യധാരാ രാഷ്ട്രീയത്തിലേയ്ക്ക് വരുമ്പോള്‍ സ്വീകരിക്കുകയാണ് വേണ്ടത്. അങ്ങനെ ചെയ്യാത്തതിന്റെ അപകടം പഞ്ചാബില്‍ കണ്ടതാണ്. തീവ്രവാദം ന്യൂനപക്ഷങ്ങളെ സംബന്ധിച്ചിടത്തോളം ഗുണകരമല്ല. മുസ്ലിം ലീഗ് ഇതിനെ എന്നും എതിര്‍ത്തിരുന്നുവെന്നും അഹമ്മദ് ചൂണ്ടിക്കാട്ടി.

പിഡിപി എല്‍ഡിഎഫിനെ സഹായിച്ചിരുന്നപ്പോള്‍ ഇത്രയും പ്രശ്നമില്ലായിരുന്നോ എന്ന് അദ്ദേഹം ചോദിച്ചു. മദ്നിയെയല്ല ആരെയും വിചാരണ കൂടാതെ ജയിലിലടയ്ക്കുന്നത് ശരിയല്ല.

അഖിലേന്ത്യാ രാഷ്ട്രീയത്തിലെ തത്വങ്ങളാണ് സിപിഎം പിന്തുടരുന്നതെങ്കില്‍ കോണ്‍ഗ്രസിനെ എതിര്‍ക്കാന്‍ സിപിഎമ്മിനാവില്ല. കാരണം ഇന്ത്യയിലെ ഏറ്റവും വലിയ മതേതര പാര്‍ട്ടിയായ കോണ്‍ഗ്രസ് ഉള്‍പ്പെടെയുള്ള മതേതര കക്ഷികളുമായി കൂട്ടുകൂടണമെന്നാണ് സിപിഎം ജനറല്‍ സെക്രട്ടറി ഹര്‍കിഷന്‍സിംഗ് സുര്‍ജിത്ത് പറഞ്ഞിട്ടുള്ളതെന്ന് അഹമ്മദ് ഓര്‍മിപ്പിച്ചു.

സിപിഎം സഖ്യകക്ഷിയായ എന്‍സിപി എന്താണ് ചെയ്യുന്നതെന്ന് പരിശോധിച്ചിട്ടുണ്ടോ? മേഘാലയത്തില്‍ ബിജെപിയുമായും മഹാരാഷ്ട്രത്തില്‍ കോണ്‍ഗ്രസുമായാണു എന്‍സിപിയുടെ സഖ്യം. ആ എന്‍സിപിയുടെ സീറ്റാണ് ഐഎന്‍എല്ലിനു നല്‍കിയിരിക്കുന്നത്. പിന്നെന്തിനാണ് ഐഎന്‍എല്‍ കോണ്‍ഗ്രസിനെയും ബിജെപിയെയും എതിര്‍ക്കുന്നതെന്ന് അഹമ്മദ് ചോദിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X