ആലുവ കൂട്ടക്കൊല: കൂടുതല് തെളിവുകള് കിട്ടി
കൊച്ചി: നാടിനെ ഞെട്ടിച്ച ആലുവ കൂട്ടക്കൊല കേസില് അന്വേഷണം നടത്തുന്ന ക്രൈംബ്രാഞ്ചിന് കൂടുതല് തെളിവുകള് കിട്ടി. പുതിയ തെളിവുകളുടെ അടിസ്ഥാനത്തില് ഒന്നില് കൂടുതല് പേര് ചേര്ന്നാണ് കൊല നടത്തിയതെന്നാണ് സംശയിക്കപ്പെടുന്നത്. ഈ സാധ്യതയെക്കുറിച്ച് ക്രൈംബ്രാഞ്ച് കൂടുതല് അന്വേഷണം നടത്തും.
ഇപ്പോള് കേസിലെ ഒന്നാം പ്രതിയായി സബ് ജയിലില് കഴിയുന്ന ആന്റണിയെ വീണ്ടും ചോദ്യം ചെയ്യും. കൊലയ്ക്ക് ശേഷം ദമാമിലേക്ക് കടന്ന ആന്റണി ഭാര്യക്ക് കേസന്വേഷണത്തിന്റെ വിവരങ്ങള് തിരക്കിക്കൊണ്ട് എഴുതിയ കത്തും ക്രൈംബ്രാഞ്ചിന് കിട്ടിയിട്ടുണ്ട്.
കൊലപാതകം നടത്തിയ സമയത്ത് ആന്റണി ധരിച്ചിരുന്ന വസ്ത്രങ്ങളും ക്രൈംബ്രാഞ്ചിന് കിട്ടി. ഇതില് രക്തക്കറയുണ്ടെന്ന് കണ്ടെത്തി. കൊല ചെയ്യപ്പെട്ട അഗസ്റിന് മാഞ്ഞൂരാന്റെ വീട്ടില് നിന്നും വലിയ ഒരു തുക കാണാതെ പോയിട്ടുണ്ടെന്നും ക്രൈം ബ്രാഞ്ച് വൃത്തങ്ങള് സൂചിപ്പിച്ചു. ഗള്ഫില് പോകാനായി പണം ചോദിച്ചിട്ട് നല്കാത്തതിനാലാണ് ആന്റണി അഗസ്റിനെയും കുടുംബത്തെയും കൂട്ടക്കൊല നടത്തിയതെന്ന് കരുതപ്പെടുന്നു.