ഇന്ത്യയെ ഛിന്നഭിന്നമാക്കുമെന്ന് ലഷ്കര്‍

മുരിദ്കെ: ആയുധമുപയോഗിച്ചുള്ള പോരാട്ടത്തിലൂടെ ഇന്ത്യയെ ഛിന്നഭിന്നമാക്കുമെന്ന് പാകിസ്ഥാന്‍ ആസ്ഥാനമായി പ്രവര്‍ത്തിക്കുന്ന ലഷ്കര്‍-എ-ത്വയിബ. സമാധാനത്തിനുവേണ്ടി ഇന്ത്യയിലെ സര്‍ക്കാര്‍ നടത്തുന്ന ഏത് ശ്രമങ്ങളെയും തകര്‍ക്കുമെന്നും ലഷ്കര്‍-എ-ത്വയിബ പ്രതിജ്ഞ ചെയ്തു.

പാകിസ്ഥാനിലെ പഞ്ചാബ് പ്രവിശ്യയിലുള്ള മുരിദ്കെയില്‍ നടന്ന പരിശീലനയോഗത്തിലാണ് ലഷ്കര്‍ നേതാക്കള്‍ ഈ തീരുമാനമെടുത്തതെന്നറിയുന്നു. യുഎസും മറ്റ് പാശ്ചാത്യ രാജ്യങ്ങളും കൈക്കൊള്ളുന്ന മൃദുസമീപനങ്ങളാണ് ഈ ഭീകര സംഘടനയ്ക്ക് ആത്മധൈര്യം പകരുന്നതെന്ന് മെയ് ഒന്ന് ചൊവാഴ്ച ദില്ലിയില്‍ നിന്നുള്ള സര്‍ക്കാര്‍ വൃത്തങ്ങള്‍ പറഞ്ഞു.

യുഎസിന്റെ ഭീകര സംഘടനാപട്ടികയില്‍ ഇതുവരെ ലഷ്കറിനെ ഉള്‍പ്പെടുത്തിയിട്ടില്ല. അതേ സമയം ബ്രിട്ടന്‍ ലഷ്കറിനെ അവരുടെ ഭീകരസംഘടനാ പട്ടികയില്‍ ലഷ്കറിനെ ഉള്‍പ്പെടുത്തിയിട്ടുണ്ട്.