ഉഷ നിരാഹാരം അവസാനിപ്പിച്ചു
കോഴിക്കോട്: കാലിക്കറ്റ് സര്വകലാശാല ജീവനക്കാരി പി. ഇ. ഉഷ ഒമ്പത് ദിവസമായി നടത്തിവന്നിരുന്ന നിരാഹാരം സമരം അവസാനിപ്പിച്ചു.
നിരാഹാര സമരം നടത്തിയിട്ടും അധികൃതര് അവഗണിക്കുകയും ഉഷയുടെ ആരോഗ്യനില മോശമാവുകയും ചെയ്തതിനെ തുടര്ന്ന് ജസ്റ്റിസ് വി. ആര്. കൃഷ്ണയ്യര് ഉഷയോട് നിരാഹാരം അവസാനിപ്പിക്കാന് അഭ്യര്ത്ഥിച്ചിരുന്നു. മെയ് എട്ട് ചൊവാഴ്ചവൈകുന്നേരം അഞ്ച് മണിക്ക് നാരങ്ങാനീര് കുടിച്ചാണ് ഉഷ നിരാഹാരം അവസാനിപ്പിച്ചത്.
ഉഷയുടെ സമരം നീതിക്ക് വേണ്ടി നിലകൊള്ളുന്ന എല്ലാവരുടെയും മനുഷ്യാവകാശ പ്രവര്ത്തകരുടെയും വിജയമാണെന്ന് ഉഷയ്ക്ക് അയച്ച സന്ദേശത്തില് കൃഷ്ണയ്യര് പറഞ്ഞു.
സമൂഹത്തില് ജനാധിപത്യമൂല്യങ്ങള് നഷ്ടമായിട്ടില്ലെന്ന് തനിക്ക് ബോധ്യപ്പെട്ടതായി നിരാഹാരം അവസാനിപ്പിച്ച ശേഷം ഉഷ പറഞ്ഞു. സാഹിത്യകാരന്മാരായ ആനന്ദും സച്ചിദാനന്ദനും ഉഷയ്ക്ക് അഭിവാദനങ്ങള് അറിയിച്ചുകൊണ്ട് സന്ദേശമയച്ചിരുന്നു.