കൂത്തുപറമ്പില് വ്യാപകമായ അക്രമം
കണ്ണൂര്: കണ്ണൂര് ജ ില്ലയിലെ മണ്ഡലത്തില് തിരഞ്ഞെടുപ്പ് ദിവസം വ്യാപകമായ അക്രമങ്ങളാണ് അരങ്ങേറിയത്. വോട്ടെടുപ്പ് കഴിഞ്ഞ ശേഷം പലയിടത്തും ആസൂത്രിതമായ അക്രമങ്ങള് നടന്നു.
അര്ധരാത്രി മുതല് പുലര്ച്ച വരെ അക്രമികള് രാഷ്ട്രീയപ്രവര്ത്തകരുടെ വീടുകള് തിരഞ്ഞുപിടിച്ച് അക്രമം നടത്തുകയായിരുന്നു. വ്യാപകമായ മോഷണവും നടന്നിട്ടുണ്ട്. ശങ്കരനെല്ലൂരിലെ കോണ്ഗ്രസ് പ്രവര്ത്തകരായ സുധാകരന്, മോഹനന് എന്നിവരുടെ വീടുകള് അക്രമികള് തകര്ത്തു. മോഹനന്റെ വീട്ടില് നിന്നും ഏഴര പവന്റെ സ്വര്ണാഭരണങ്ങള് മോഷണം പോയി. സിപിഎമ്മുകാരാണ് ആക്രമണം നടത്തിയതെന്ന് കോണ്ഗ്രസ് പ്രവര്ത്തകര് ആരോപിച്ചു.
കോണ്ഗ്രസ് പ്രവര്ത്തകരുടെ കച്ചവട സ്ഥാപനങ്ങള് തകര്ക്കുകയും സാധനങ്ങള് കടത്തിക്കൊണ്ടുപോവുകയും ചെയ്തതായി പരാതിയുണ്ട്. തിരഞ്ഞെടുപ്പ് ദിവസം വെടിവയ്പ് നടന്ന വേങ്ങാട് അങ്ങാടിയില് ഇപ്പോഴും സംഘര്ഷാവസ്ഥയാണ്. ഇവിടെ മുസ്ലീം ലീഗ് പ്രവര്ത്തകരെ സിപിഎമ്മുകാര് ആക്രമിക്കുകയായിരുന്നുവെന്നാണ് പറയപ്പെടുന്നത്.