മുഖ്യമന്ത്രിയാവുമെന്ന് ജയലളിത

ചെന്നൈ: താന്‍ തിരഞ്ഞെടുപ്പില്‍ മത്സരിച്ചില്ലെങ്കിലും മുഖ്യമന്ത്രിയാവാന്‍ തയാറാണെന്ന് എഐഎഡിഎംകെ നേതാവ് ജയലളിത.

ജനങ്ങളുടെ ആഗ്രഹം ഞാന്‍ തമിഴ്നാടിനെ നയിക്കണമെന്നാണ്. ഇത് ജനങ്ങളുടെ വിധിയാണ്. അതിനാല്‍ മുഖ്യമന്ത്രിയാവാന്‍ തയാറാണ് - സ്റാര്‍ ടിവിക്ക് മെയ് 13 ഞായറാഴ്ച നല്‍കിയ അഭിമുഖത്തില്‍ ജയ പറഞ്ഞു.

കുടിവെള്ളപ്രശ്നം പരിഹരിക്കുക എന്നതാണ് മുഖ്യ ലക്ഷ്യമെന്ന് ജയ വ്യക്തമാക്കി. സംസ്ഥാനത്തെ ക്രമസമാധാന നില പുനഃസ്ഥാപിക്കാനും കെടുകാര്യസ്ഥത മൂലം പിന്നാക്കം പോയ സംസ്ഥാനത്തെ പുരോഗതിയിലേക്ക് നയിക്കാനും ശ്രമിക്കുമെന്ന് ജയ പറഞ്ഞു.