ഐ ഗ്രൂപ്പിന് 30 പേരെന്ന്
തിരുവനന്തപുരം: കോണ്ഗ്രസ് നിയമസഭാകക്ഷിയില് 30 പേര് തന്നോടൊപ്പമുണ്ടെന്ന് കെ. കരുണാകരന് അവകാശപ്പെട്ടു. തിരഞ്ഞെടുപ്പ് ഫലത്തെക്കുറിച്ച് പ്രതികരിക്കുന്നതിനിടയിലാണ് കരുണാകരന് ഇക്കാര്യം പറഞ്ഞത്. കോണ്ഗ്രസിന് ആകെ 62 എം എല് എ മാരാണുള്ളത്.
മന്ത്രിസഭാ രൂപീകരണത്തില് ഐ ഗ്രൂപ്പിന് കഴിവതും പ്രാധാന്യം ലഭിക്കുമെന്നും പരാതികള് പലതുമുണ്ടെങ്കിലും ഈ ഘട്ടത്തില് അതൊന്നുമുയര്ത്തുന്നില്ലെന്നും കരുണാകരന് പറഞ്ഞു. ജാതി-മത പരിഗണനകള് കൂടി കണക്കിലെടുത്തേ മന്ത്രിസഭ രൂപീകരിക്കാനാകൂ.
മുഖ്യമന്ത്രിയെ തിരഞ്ഞെടുക്കാന് കോണ്ഗ്രസ് അധ്യക്ഷ നിയമസഭാകക്ഷിയുമായും സംസ്ഥാനത്തെ ബന്ധപ്പെട്ട മുതിര്ന്ന നേതാക്കളുമായും ചര്ച്ചകള് നടത്തും. യഥാസമയം തീരുമാനമുണ്ടാകും. പാര്ലമെന്ററി ബോര്ഡും കേന്ദ്രതിരഞ്ഞെടുപ്പ് കമ്മിറ്റിയും ചേര്ന്നാണ് നിയമസഭാകക്ഷി യോഗം വിളിക്കുകയെന്നും കരുണാകരന് അറിയിച്ചു.