നിയമസഭ പിരിച്ചു വിടാന്‍ ശുപാര്‍ശ

തിരുവനന്തപുരം: കാലാവധി പൂര്‍ത്തിയാക്കിയ പത്താം കേരള നിയമസഭ പിരിച്ചു വിടാന്‍ ഇ കെ നായനാരുടെ നേതൃത്വത്തിലുള്ള മന്ത്രി സഭ സംസ്ഥാന ഗവര്‍ണറോട് ശുപാര്‍ശ ചെയ്തു. മെയ് 15 ചൊവാഴ്ച ചേര്‍ന്ന മന്ത്രിസഭയുടെ അവസാന യോഗമാണ് ഇതു സംബന്ധിച്ചു തീരുമാനമെടുത്തത്.

11-ാം കേരള നിയമസഭ രൂപീകരിക്കപ്പെട്ട് പുതിയ മന്ത്രിസഭ അധികാരത്തിലെത്തുന്നതു വരെ തുടരാനുള്ള ഗവര്‍ണറുടെ അഭ്യര്‍ത്ഥന തങ്ങള്‍ സ്വീകരിച്ചതായി മുഖ്യമന്ത്രി ഇ കെ നായനാര്‍ വാര്‍ത്താസമ്മേളനത്തില്‍ അറിയിച്ചു.