വികസനത്തിനായി ശ്രമിക്കുമെന്ന് ജയിച്ചവര്
കോട്ടയം: തങ്ങളുടെ മണ്ഡലത്തിന്റെ വികസനപ്രവര്ത്തനത്തിനു വേണ്ട ശ്രമങ്ങളില് വ്യാപൃതരാവുമെന്ന് കോട്ടയം ജില്ലയിലെ മണ്ഡലങ്ങളില് നിന്ന് തിരഞ്ഞെടുക്കപ്പെട്ടവര് ഉറപ്പുനല്കി.
ഏറ്റുമാനൂര് മണ്ഡലത്തിലെ കാര്ഷിക മേഖലയുടെ വികസനത്തിനും കുടിവെള്ളപ്രശ്നം പരിഹരിക്കുന്നതിനും വേണ്ട നടപടികള് സ്വീകരിക്കുമെന്ന് മണ്ഡലത്തില് നിന്ന് തിരഞ്ഞെടുക്കപ്പെട്ട തോമസ് ചാഴിക്കാടന് പറഞ്ഞു.
ചങ്ങനാശേരി മണ്ഡലത്തിന്റെ വികസനത്തിനാവശ്യമായ പദ്ധതികള് നടപ്പിലാക്കാന് ശ്രമിക്കുമെന്ന് സി.എഫ്.തോമസ് പറഞ്ഞു. പുതുപ്പള്ളിയുടെ സമഗ്രമായ വികസനത്തിനാണ് താന് ഊന്നല് നല്കുന്നതെന്ന് ഉമ്മന്ചാണ്ടി വ്യക്തമാക്കി.
കോട്ടയത്തെ കുടിവെള്ളപ്രശ്നം പരിഹരിക്കുമെന്നും കുമകത്ത് കോളജ് സ്ഥാപിക്കുന്നതിന് വേണ്ട ശ്രമങ്ങള് നടത്തുമെന്നും മേഴ്സി രവി പറഞ്ഞു. പൂഞ്ഞാറില് നടന്നുവരുന്ന വികസനപ്രവര്ത്തനങ്ങള് പൂര്ത്തിയാക്കുമെന്ന് പി.സി.ജോര്ജ് പറഞ്ഞു.