കോഴിക്കോട്-ജിദ്ദ ആദ്യവിമാനം തിങ്കളാഴ്ച

കോഴിക്കോട്: കോഴിക്കോടു നിന്ന് ജിദ്ദയിലേക്കു നേരിട്ടുള്ള വിമാനസര്‍വീസ് മെയ് 21 തിങ്കളാഴ്ച ആരംഭിക്കും. തിങ്കളാഴ്ച ഉച്ചയ്ക്ക് 3.30നാണ് ജിദ്ദയിലേക്കുള്ള ആദ്യവിമാനം കോഴിക്കോട് നിന്ന് പറക്കുന്നത്. ഇതോടെ ജിദ്ദയിലെ മലയാളികളുടെ ഏറെ കാലമായുള്ള അഭിലാഷം യാഥാര്‍ഥ്യമാവുകയാണ്. ചൊവാഴ്ച പുലര്‍ച്ചെ 12.45നാണ് ജിദ്ദയില്‍ നിന്ന് കോഴിക്കോട്ടേക്കുള്ളവിമാനം.

ഈ സര്‍വീസ് ആരംഭിക്കുന്നതോടെ ഹജ്ജ് തീര്‍ഥാടനത്തിനുള്ള വിമാനസര്‍വീസും കോഴിക്കോട് നിന്ന് ആരംഭിക്കാന്‍ ഭാവിയില്‍ കഴിയുമെന്ന് എയര്‍ ഇന്ത്യ മാനേജര്‍ എ.കെ.ടര്‍ക്കി പറഞ്ഞു.

കോഴിക്കോട്-ജിദ്ദ നേരിട്ടുള്ള വിമാനസര്‍വീസ് ആരംഭിക്കുന്നതുമായി ബന്ധപ്പെട്ട് തിങ്കളാഴ്ച രാത്രി 8.30ന് എയര്‍ ഇന്ത്യയുടെ ആഭിമുഖ്യത്തില്‍ പ്രത്യേക ചടങ്ങ് നടക്കും.