• search

സ്വകാര്യനിക്ഷേപം പ്രോത്സാഹിപ്പിക്കും: മന്ത്രി

  • By Staff
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    തിരുവനന്തപുരം: കേരളത്തെ വ്യവസായസൗഹൃദ സംസ്ഥാനമാക്കി മാറ്റാനും പരമാവധി ആനുകൂല്യങ്ങള്‍ നല്‍കി സ്വകാര്യനിക്ഷേപം സംസ്ഥാനത്തേക്ക് ആകര്‍ഷിക്കാനും നടപടി സ്വീകരിക്കുമെന്ന് വ്യവസായ മന്ത്രി പി. കെ. കുഞ്ഞാലിക്കുട്ടി.

    മെയ് 22 ചൊവാഴ്ച തിരുവനന്തപുരത്ത് കേസരി സ്മാരക ജേര്‍ണലിസ്റ് ട്രസ്റ് സംഘടിപ്പിച്ച മീറ്റ് ദ പ്രസ് പരിപാടിയില്‍ പങ്കെടുക്കുകയായിരുന്നു മന്ത്രി. വിവരസാങ്കേതിക മേഖലയില്‍ കേരളത്തിന്റെ മനുഷ്യശേഷി വര്‍ധിപ്പിക്കുന്നതിന് വ്യവസായ വകുപ്പിനെയും വിദ്യാഭ്യാസ വകുപ്പിനെയും ഏകോപിപ്പിച്ചു കൊണ്ടുള്ള നടപടികള്‍ സ്വീകരിക്കുമെന്നും മന്ത്രി അറിയിച്ചു. പുതിയ വിദ്യാഭ്യാസ സ്ഥാപനങ്ങള്‍ ആരംഭിക്കാനും നിലവിലുള്ളവയ്ക്ക് ഐടിയുടെ മുഖം നല്‍കാനുമാണ് ഉദ്ദേശിക്കുന്നതെന്ന് കുഞ്ഞാലിക്കുട്ടി വ്യക്തമാക്കി.

    പൊതുമേഖലാ സ്ഥാപനങ്ങള്‍ സ്വകാര്യവല്‍ക്കരിക്കുന്നതു സംബന്ധിച്ച് ഇപ്പോള്‍ എന്തെങ്കിലും പറയുന്നത് ശരിയല്ലെന്ന് അദ്ദേഹം പറഞ്ഞു. എല്ലാവരും കൂട്ടായി ചര്‍ച്ച ചെയ്തുവേണം ഇക്കാര്യത്തില്‍ തീരുമാനമെടുക്കേണ്ടത്. സംസ്ഥാന സര്‍ക്കാര്‍ പണം മുടക്കി പൊതുമേഖലാ സ്ഥാപനങ്ങള്‍ നടത്തുന്നത് സംബന്ധിച്ച് തീരുമാനമെടുക്കേണ്ടി വരും.

    വിദ്യാഭ്യാസ വകുപ്പ് ലീഗിനായിരുന്നപ്പോള്‍ ആകാശം ഇടിഞ്ഞുവീണില്ല

    മുസ്ലീം ലീഗ് കയ്യാളുന്നതു കൊണ്ട് വിദ്യാഭ്യാസ വകുപ്പ് വര്‍ഗീയവല്‍ക്കരിക്കപ്പെടുമെന്നുള്ള ആശങ്കകള്‍ കേരളീയര്‍ക്ക് യോജിച്ചതല്ലെന്ന് കുഞ്ഞാലിക്കുട്ടി പറഞ്ഞു.

    ബിജെപി നേതാവ് കെ. രാമന്‍പിള്ള ഇതു സംബന്ധിച്ച് നടത്തിയ പരാമര്‍ശങ്ങള്‍ക്ക് മറുപടി പറയുകയായിരുന്നു മന്ത്രി. കേരളത്തില്‍ ഏറെക്കാലം വിദ്യാഭ്യാസ വകുപ്പ് കൈകാര്യം ചെയ്തത് ലീഗാണ്. അതുകൊണ്ട് ഇവിടെ ആകാശം ഇടിഞ്ഞുവീണിട്ടില്ലെന്നും കുഞ്ഞാലിക്കുട്ടി പറഞ്ഞു.

    ഉടനെ തുടങ്ങാന്‍ പോകുന്ന ഒരു സ്വകാര്യ ടിവി ചാനലിന്റെ മാനേജിംഗ് ഡയറക്ടര്‍ സ്ഥാനത്ത് പൊതുമരാമത്തു മന്ത്രി എം. കെ. മുനീര്‍ തുടരുന്നത് ആരോപണങ്ങള്‍ക്കിടയാക്കില്ലേ എന്ന ചോദ്യത്തിന് അങ്ങനെയൊരു മുന്‍കരുതല്‍ നല്ലതാണെന്നായിരുന്നു കുഞ്ഞാലിക്കുട്ടിയുടെ മറുപടി.

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more