കുഞ്ഞാലിക്കുട്ടിക്ക് ലോകായുക്തിന്റെ നോട്ടീസ്

തിരുവനന്തപുരം: വ്യവസായമന്ത്രി പി.കെ.കുഞ്ഞാലിക്കുട്ടിക്കും കഴിഞ്ഞ മന്ത്രിസഭയിലെ വ്യവസായമന്ത്രിയായിരുന്ന സുശീലാ ഗോപാലനും ലോകായുക്ത് നോട്ടീസയച്ചു. കൈത്തറി സഹകരണസ്ഥാപനങ്ങളുടെ കിഴിവ് വില്പനയുടെ പേരില്‍ വ്യാപകമായി തട്ടിപ്പ് നടന്നുവെന്ന ആരോപണത്തെ കുറിച്ച് കോടതി മുന്‍കൈയെടുത്ത് നടത്തിയ അന്വേഷണത്തിന്റെ അടിസ്ഥാനത്തിലാണ് നോട്ടീസയച്ചത്.

നെയ്യാറ്റിന്‍കര കേന്ദ്രമായി പ്രവര്‍ത്തിക്കുന്ന അഴിമതി വിരുദ്ധസമിതിയുടെ പ്രസിഡന്റ് എന്‍.വിശ്വംഭരനാണ് ലോകായുക്തില്‍ പരാതി നല്‍കിയത്. ഇതു സംബന്ധിച്ച് അന്വേഷണം നടത്താന്‍ ഐജിപി എസ്.പുലികേശിയോട് ലോകായുക്ത് ആവശ്യപ്പെട്ടിട്ടുണ്ട്.

ഇല്ലാത്തെ ആളുകളുടെ പേരില്‍ കൈത്തറി സഹകരണ സ്ഥാപനങ്ങള്‍ രജിസ്റര്‍ ചെയ്തുവെന്നാണ് പരാതിയില്‍ പറയുന്നത്. വലിയ അളവില്‍ തുണിത്തരങ്ങള്‍ നെയ്യുകയും വില്‍ക്കുകയും ചെയ്തുവെന്ന കള്ളക്കണക്കിലൂടെ കൈത്തറി സാധനങ്ങള്‍ക്ക് സര്‍ക്കാര്‍ പ്രഖ്യാപിച്ച കിഴിവിന് അര്‍ഹരാണെന്ന് കാണിക്കുകയായിരുന്നു ഇവരെന്ന് പരാതിയില്‍ ചൂണ്ടിക്കാട്ടുന്നു.