സുലൈമാന് റാവുത്തര് ജെഎസ്എസിലേയ്ക്ക് ?
തിരുവനന്തപുരം: ജനതാദളില് നിന്നും പുറത്താക്കപ്പെട്ട മുന് എംഎല്എ സുലൈമാന് റാവുത്തര് കൃഷിമന്ത്രി ഗൗരിയമ്മയുടെ നേതൃത്വത്തിലുള്ള ജനാധിപത്യ സംരക്ഷണ സമിതിയില് ചേരാന് ആലോചിക്കുന്നു. ജൂണ് 24 ഞായറാഴ്ച കൊച്ചിയില് മന്ത്രി ഗൗരിയമ്മയുടെ സാന്നിധ്യത്തില് നടക്കുന്ന യോഗത്തില് റാവുത്തര് അന്തിമ തീരുമാനമെടുക്കുമെന്നറിയുന്നു.
നേരത്തെ ആലപ്പുഴയില് സുലൈമാന് റാവുത്തറും ഗൗരിയമ്മയും തമ്മില് ഇതു സംബന്ധിച്ച് രഹസ്യയോഗം ചേര്ന്നിരുന്നു. ഈ യോഗത്തില് സുലൈമാന് റാവുത്തറും അനുയായികളും ജെഎസ്എസില് ചേരാന് അനൗദ്യോഗികമായി തീരുമാനിച്ചിരുന്നതായി അറിയുന്നു.
നിയമസഭാ തിരഞ്ഞെടുപ്പില് ജനതാദള് സീറ്റു നല്കാതിരുന്നതില് പ്രതിഷേധിച്ചാണ് സിറ്റിംഗ് എംഎല്എയായിരുന്ന സുലൈമാന് റാവുത്തര് ഇടുക്കിയില് വിമത ജനതാദള് സ്ഥാനാര്ത്ഥിയായി മത്സരിച്ച് തോറ്റിരുന്നു. ഇതിനെ തുടര്ന്ന് ജനതാദള് സംസ്ഥാന പ്രസിഡന്റ് എം.പി. വീരേന്ദ്രകുമാര് റാവുത്തറെ ജനതാദളില് നിന്ന് പുറത്താക്കുകയായിരുന്നു.