തിരുവനന്തപുരത്ത് കനത്ത മഴ

തിരുവനന്തപുരം: തിരുവനന്തപുരം നഗരത്തില്‍ കനത്ത മഴ. ജൂണ്‍ അഞ്ച് ചൊവാഴ്ച ഉച്ചതിരിഞ്ഞ് തുടങ്ങിയ മഴ നാല് മണിക്കൂറുകളോളം നീണ്ടുനിന്നു.

കനത്ത മഴയെ തുടര്‍ന്ന് തമ്പാന്നൂര്‍ ബസ്സ്റാന്റില്‍ വെള്ളം കയറി ട്രെയിനിലും ബസ്സിലും വന്നിറങ്ങിയ യാത്രക്കാര്‍ നന്നെ ബുദ്ധിമുട്ടി.

ഈ മഴ തെക്കുപടിഞ്ഞാറന്‍ കാലവര്‍ഷം ശക്തമാകുന്നതിന്റെ സൂചനയാണെന്ന് കാലാവസ്ഥാ നിരീക്ഷണകേന്ദ്രത്തില്‍ നിന്ന് അറിയിച്ചു. അടുത്ത ദിവസങ്ങളില്‍ മഴ ശക്തമാകുമെന്നും അറിയിപ്പില്‍ പറഞ്ഞു.