നെടുങ്ങാടി : ചെയര്മാനെതിരായ വാറണ്ട് റദ്ദാക്കി
കൊച്ചി: ഓഹരി കുംഭകോണക്കേസുമായി ബന്ധപ്പെട്ട് നെടുങ്ങാടി ബാങ്ക് മുന് ചെയര്മാനെതിരെയുണ്ടായിരുന്ന ജാമ്യമില്ലാ അറസ്റ് വാറണ്ട് ഹൈക്കോടതി റദ്ദാക്കി. മുന് ചെയര്മാന് എ.ആര്. മൂര്ത്തിക്കെതിരെ കോഴിക്കോട് മജിസ്ട്രേറ്റ് കോടതി പുറപ്പെടുവിച്ച അറസ്റ് വാറണ്ടാണ് ജൂണ് ആറ് ബുധനാഴ്ച ഹൈക്കോടതി റദ്ദാക്കിയത്.
വാറണ്ട് റദ്ദാക്കണമെന്ന് ആവശ്യപ്പെട്ട് മൂര്ത്തി നല്കിയ ഹര്ജിയിലാണ് ജസ്റിസ് എന്. കൃഷ്ണന്നായരുടെ വിധി. ഓഹരി ഇടപാട് സ്ഥാപനങ്ങള്ക്ക് പരിധി ലംഘിച്ചുകൊണ്ട് മൂര്ത്തി പണം നല്കിയിരുന്നുവെന്നാണ് റിസര്വ് ബാങ്കിന്റെ കണ്ടെത്തല്. റിസര്വ് ബാങ്ക് കോഴിക്കോട് മജിസ്ട്രേറ്റ് കോടതിയില് നല്കിയ പരാതിയിന്മേലാണ് മൂര്ത്തിക്കെതിരെ അറസ്റ് വാറണ്ട് പുറപ്പെടുവിച്ചിരുന്നത്.
എന്നാല് മജിസ്ട്രേറ്റ് കോടതി അറസ്റ് വാറണ്ട് പുറപ്പെടുവിച്ച നടപടി നിയമത്തിന്റെ ദൃഷ്ടിയില് തെറ്റാണെന്ന് അഭിപ്രായപ്പെട്ടുകൊണ്ടാണ് ഹൈക്കോടതി വാറണ്ട് റദ്ദാക്കിയത്.