വിമാനത്താവള വികസനത്തിന് സമ്മര്ദ്ദം ചെലുത്തും
തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളത്തിന്റെ വികസനത്തിനായി കേന്ദ്രസര്ക്കാരില് സമ്മര്ദ്ദം ചെലുത്തുമെന്ന് സഹകരണ തുറമുഖ വകുപ്പ് മന്ത്രി എം വി രാഘവന് അറിയിച്ചു. വിമാനത്താവളത്തിന്റെ വികസനം ആവശ്യപ്പെട്ട് പ്രവാസി മലയാളികളുടേതടക്കം നിരവധി പരാതികള് സര്ക്കാരിന് കിട്ടിയിട്ടുണ്ടെന്നും അവ പഠിച്ച ശേഷം കേന്ദ്രസര്ക്കാരിന് നിര്ദ്ദേശങ്ങള് സമര്പ്പിക്കുമെന്നും മന്ത്രി വ്യക്തമാക്കി. ജൂണ് ഒമ്പത് ശനിയാഴ്ച തിരുവനന്തപുരത്ത് ഫെഡറേഷന് ഓഫ് റസിഡന്റ്സ് അസോസിയേഷന് നല്കിയ സ്വീകരണത്തില് പങ്കെടുക്കുകയായിരുന്നു എം വി രാഘവന്.
വിഴിഞ്ഞം തുറമുഖത്തിന്റെ പണി യു ഡി എഫ് സര്ക്കാര് മുന്നോട്ട് കൊണ്ടുപോകുമെന്ന് മന്ത്രി അറിയിച്ചു. സാമ്പത്തിക പ്രതിസന്ധിയുള്ളതിനാല് ഏഷ്യന് ഡവലപ്മെന്റ് ബാങ്ക് അടക്കമുള്ള സ്വകാര്യ ഏജന്സികളുടെ സഹായം ഇതിനായി തേടും. തലസ്ഥാനത്ത് ഹൈക്കോടത ി ബഞ്ച് സ്ഥാപിക്കുന്നതിനായി കേന്ദ്രസര്ക്കാരില് സമ്മര്ദ്ദം ചെലുത്തുമെന്നും മന്ത്രി പറഞ്ഞു.
എം എല് എമാരായ എം. മോഹന്കുമാര്, ബി. വിജയകുമാര്, എം. എ. വാഹീദ് എന്നിവരും സ്വീകരണച്ചടങ്ങില് പങ്കെടുത്തു.