വിമാനസമയത്തില് മാറ്റം
കോഴിക്കോട്: കരിപ്പൂര് വിമാനത്താവളത്തില് നിന്നുള്ള ഇന്ത്യന് എയര്ലൈന്സ് വിമാനങ്ങളുടെ സമയത്തില് മാറ്റം വരുത്തി.
ജൂണ് 15 വെള്ളിയാഴ്ച മുതല് കെ സി 997 ദോഹ-ബഹ്റിന് സര്വീസ് 4.30 നായിരിക്കും കോഴിക്കോട് നിന്നു പുറപ്പെടുക. ബഹ്റിന്- ദോഹ വഴി വരുന്ന ഐ സി 998 വിമാനം 8.10 ന് കോഴിക്കോട്ടെത്തും.
ജൂണ് 18 മുതല് തിങ്കളാഴ്ചയും ബുധനാഴ്ചയും ചെന്നൈ- കോഴിക്കോട് റൂട്ടില് സര്വീസ് നടത്തുന്ന ഐ സി 895 വിമാനം 6.20 ന് കോഴിക്കോട്ടെത്തും.
ജൂണ് 16 മുതല് കോഴിക്കോട്- ദുബായ് റൂട്ടില് സര്വീസ് നടത്തുന്ന എ ഐ 921 നമ്പര് വിമാനം തിങ്കള്, ബുധന്, ശനി ദിവസങ്ങളില് രാവിലെ 7.10 ന് പുറപ്പെടും. ദുബായില് നിന്നും മടങ്ങിവരുന്ന എ ഐ 922 വിമാനം 3.20 ന് കോഴിക്കോട്ടെത്തും.
ജൂണ് 15 മുതല് മസ്ക്കറ്റിലേയ്ക്കു പോകുന്ന എഐ 925 വിമാനം ചൊവ, വ്യാഴം, വെള്ളി, ഞായര് ദിവസങ്ങളില് രാവിലെ 2.55 ന് എത്തി 7.10 ന് മടങ്ങിപ്പോകും.
ജൂണ് 16 മുതല് അബുദാബിയിലേയ്ക്കുള്ള എ ഐ 924 ചൊവ, വ്യാഴം, ശനി, ഞായര് ദിവസങ്ങളില് രാവിലെ 6.20 ന് കോഴിക്കോട്ടെത്തുമെന്നും അധികൃതര് അറിയിച്ചു.