മധ്യകേരളത്തില്‍ എലിപ്പനി വിട്ടുമാറുന്നു

കോട്ടയം: കോട്ടയം, ഇടുക്കി, തൃശൂര്‍ എന്നീ ജില്ലകളില്‍ നിന്നും എലിപ്പനി സാവധാനം വിട്ടുമാറുന്നു. ഈ വര്‍ഷം ഇതുവരെ സംസ്ഥാനത്ത് എലിപ്പനി മൂലം പത്തിലേറെ പേര്‍ മരിച്ചിട്ടുണ്ട്.

കോട്ടയത്ത് ഇപ്പോള്‍ എലിപ്പനി ബാധിച്ച് 54 പേര്‍ മാത്രമാണ് ചികിത്സയിലുള്ളത്. ഇവരെ വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്. ജൂണ്‍ എട്ട് വെള്ളിയാഴ്ച എലിപ്പനിയാണെന്ന സംശയത്തോടെയെത്തിയ 14 പേരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഒട്ടേറെ പേര്‍ ചികിത്സ കഴിഞ്ഞ് ആശുപത്രികള്‍ വിട്ടിട്ടുണ്ട്.

കോട്ടയം, ഇടുക്കി, തൃശൂര്‍ ജില്ലകളിലാണ് എലിപ്പനി മാരകമായി ബാധിച്ചിരുന്നത്. തൃശൂരില്‍ വ്യാഴാഴ്ചയും ഈ രോഗം മൂലം ഒരാള്‍ മരിച്ചിരുന്നു. ചേറൂര്‍ തൊട്ടിപ്പറമ്പില്‍ കുട്ടപ്പന്‍ (43) ആണ് വ്യാഴ്ച മുളങ്കുന്നത്തുകാവ് മെഡിക്കല്‍ കോളേജില്‍ അന്ത്യശ്വാസം വലിച്ചത്.