നേപ്പാള്: അന്വേഷണ റിപ്പോര്ട്ട് വൈകും
കാഠ്മണ്ഡു: ബീരേന്ദ്ര രാജാവിന്റെയും കുടുംബാംഗങ്ങളുടെയും കൂട്ടക്കൊലയെപ്പറ്റി അന്വേഷിക്കുന്ന കമ്മീഷന്റെ റിപ്പോര്ട്ട് വൈകാന് സാധ്യത. കൂടുതല് വിശദമായ അന്വേഷണം വേണമെന്ന് കമ്മീഷന് ആവശ്യപ്പെട്ടിരിക്കുകയാണ്.
കമ്മീഷന് വിശദമായ അന്വേഷണത്തിനായി നാലുദിവസം കൂടി നീട്ടിക്കൊടുത്തതായി നേപ്പാള് റേഡിയോ ജൂണ് 10 ഞായറാഴ്ച അറിയിച്ചു. കമ്മീഷന് കൂടുതല് ദിവസം ജ്ഞാനേന്ദ്ര രാജാവ് അനുവദിച്ചതായി നേപ്പാള് കൊട്ടാരത്തില് നിന്നുള്ള ഔദ്യോഗിക പത്രക്കുറിപ്പ് പറയുന്നു.
ചീഫ് ജസ്റിസും പാര്ലമെന്റ് സ്പീക്കറും ഉള്പ്പെട്ട രണ്ടംഗ അന്വേഷണ കമ്മീഷനെ പുതുതായി അധികാരത്തിലേറിയ ജ്ഞാനേന്ദ്ര രാജാവാണ് നിയോഗിച്ചത്. മൂന്നു ദിവസത്തിനുള്ളില് അന്വേഷണം പൂര്ത്തിയാക്കണമെന്നായിരുന്നു ആദ്യം നല്കിയിരുന്ന നിര്ദേശം. എന്നാല് പുതിയ തീരുമാനമനുസരിച്ച് അന്വേഷണം ജൂണ് 14 വ്യാഴാഴ്ചയോടെയേ പൂര്ത്തിയാവൂ.