കയറ്റുമതി കുറയില്ലെന്ന് കേന്ദ്രസര്ക്കാര്
ദില്ലി: യുഎസിലേക്കും മറ്റു വികസിത രാഷ്ട്രങ്ങളിലേക്കുമുള്ള കയറ്റുമതി കുറഞ്ഞെങ്കിലും ഇന്ത്യ ഇക്കുറിയും കയറ്റുമതിയില് നല്ല പ്രകടനം കാഴ്ചവയ്ക്കുമെന്ന് കേന്ദ്രസര്ക്കാര്. കയറ്റുമതിരംഗത്ത് പുതിയ തന്ത്രങ്ങള് ആവിഷ്കരിക്കുക വഴി ഇന്ത്യയുടെ പ്രകടനം മെച്ചപ്പെടുത്താന് കഴിയുമെന്ന് കേന്ദ്രവാണിജ്യ മന്ത്രാലയം വിശ്വസിക്കുന്നു.
പെട്രോളിയം ഉല്പന്നങ്ങള്, സിമന്റ് , രാസോല്പന്നങ്ങള് എന്നിവയുടെ കയറ്റുമതിയില് വര്ദ്ധനവുണ്ടായിട്ടുള്ളതിനാല് 2001-02 ലും കയറ്റുമതി ഇരട്ടസംഖ്യയിലെത്തുമെന്ന് കേന്ദ്ര വാണിജ്യമന്ത്രാലയത്തിലെ വക്താക്കള് അറിയിച്ചു.
സ്റീല് കയറ്റുമതിയില് ഇന്ത്യ ഈയിടെ ഒരു പ്രധാന രാഷ്ട്രമായി മാറിയിട്ടുണ്ട്. ഇപ്പോള് 39 രാഷ്ട്രങ്ങളിലേക്കാണ് ഇന്ത്യ സ്റീല് കയറ്റുമതി ചെയ്യുന്നത്. ഇക്കുറിയും സ്റീല് കയറ്റുമതിയില് വര്ദ്ധനയുണ്ടാകുമെന്ന് കരുതുന്നു.പെട്രോളിയം ഉല്പന്നങ്ങളുടെ കയറ്റുമതിയിലും വന്വര്ദ്ധനയുണ്ടാകുമെന്ന് പ്രതീക്ഷിക്കുന്നു.