ധവളപത്രം ബുധനാഴ്ച

തിരുവനന്തപുരം: സംസ്ഥാനത്തിന്റെ സാമ്പത്തികസ്ഥിതി വ്യക്തമാക്കുന്ന ധവളപത്രം ജൂണ്‍ 13 ബുധനാഴ്ച പുറത്തിറക്കും. ധവളപത്രത്തിലെ വിവരങ്ങളെക്കുറിച്ച് ധനകാര്യമന്ത്രി കെ ശങ്കരനാരായണനും ധനകാര്യ സെക്രട്ടറി വിനോദ് റായിയും ജൂണ്‍ 11 തിങ്കളാഴ്ച മുഖ്യമന്ത്രി എ കെ ആന്റണിയുമായി ചര്‍ച്ചകള്‍ നടത്തിയിരുന്നു.

കേരളം നേരിടുന്ന ഗുരുതരമായ സാമ്പത്തിക പ്രതിസന്ധിയെക്കുറിച്ച് ധവളപത്രത്തില്‍ വിശദമായി പ്രതിപാദിക്കുമെന്ന് ധനകാര്യ വകുപ്പിനോടടുത്ത വൃത്തങ്ങള്‍ അറിയിച്ചു. സംസ്ഥാനം കൊടുത്തു തീര്‍ക്കേണ്ട വമ്പിച്ച കടബാധ്യതകളെക്കുറിച്ചുള്ള വിശദവിവരങ്ങളും സംസ്ഥാന ഖജനാവിന്റെ ഇപ്പോഴത്തെ അവസ്ഥയും ധവളപത്രത്തില്‍ ഉള്‍ക്കൊള്ളിക്കും.