എന്‍റോണ്‍ വില കുറച്ച് വൈദ്യുതി നല്‍കും

ദില്ലി: എന്‍റോണ്‍ കമ്പനി മഹാരാഷ്ട സംസ്ഥാനത്തിന് വിലകുറച്ച് വൈദ്യുതി നല്കും. എന്‍റോണിന്റെ കീഴിലുള്ള ധാബോള്‍ ഊര്‍ജ കമ്പനി മഹാരാഷ്ട്ര ഇലക്ട്രിസിറ്റി ബോര്‍ഡിന് യൂണിറ്റിന് 29 പൈസ കുറവില്‍ വൈദ്യുതി നല്‍കുമെന്ന് ജൂണ്‍ 13 ബുധനാഴ്ച എന്‍റോണ്‍ അറിയിച്ചു.

ഒരു യൂണിറ്റ് വൈദ്യുതിയുടെ വില മൂന്നര രൂപയും പ്രസരണചാര്‍ജുമായി കുറയ്ക്കാനാണ് കമ്പനിയുടെ തീരുമാനം. നേരത്തെ 3.79 രൂപയ്ക്കാണ് വൈദ്യുതി നല്‍കിയിരുന്നത്. കേന്ദ്ര ഊര്‍ജ സഹമന്ത്രി ജയ്വാനിത്ബെന്‍ മെഹ്ത്തയാണ് ഇക്കാര്യം അറിയിച്ചത്.

മറ്റ് സംസ്ഥാനങ്ങള്‍ ധാബോളില്‍ നിന്ന് വൈദ്യുതി വാങ്ങുകയാണെങ്കില്‍ അത് യൂണിറ്റിന് നാല് രൂപയും പ്രസരണചാര്‍ജും അടങ്ങിയതായിരിക്കും. വൈദ്യുതിയ്ക്കുള്ള വില്പന നികുതി ഒഴിവാക്കുന്ന കാര്യം കേന്ദ്രസര്‍ക്കാര്‍ പരിഗണിക്കുമെന്നും അടുത്തു തന്നെ ഇക്കാര്യത്തില്‍ തീരുമാനമുണ്ടാവുമെന്നും മെഹ്ത്ത പറഞ്ഞു.

എന്‍റോണുമായുള്ള തര്‍ക്കം പരിഹരിക്കാനായി കരാറിലെ എല്ലാ നിയമവശങ്ങളും പരിശോധിച്ച് നടപടിയെടുക്കുമെന്നും അദ്ദേഹം പറഞ്ഞു.