ഇളനീര് പരസ്യം വരുന്നു...
മുംബൈ: മലയാളക്കരയുടെ തനത് പാനീയമായ ഇളനീരിന്(കരിക്ക്) പരസ്യം വരുന്നു. ഇളനീരിന്റെ ഉപയോഗം വ്യാപമാക്കാന് കേന്ദ്രസര്ക്കാരാണ് പരസ്യപ്രചാരണം നടത്തുന്നത്. ഇതിനായി കേന്ദ്രസര്ക്കാര് പരസ്യം നിര്മ്മിച്ചു കഴിഞ്ഞു. ടി വി ചാനലുകളില് ഈ പരസ്യം ഉടന് വന്നു തുടങ്ങും.
ജോണ്സ് കുടയുടെ പരസ്യത്തിലൂടെ പ്രേക്ഷകര്ക്ക് സുപരിചിതയായ ബാലചലച്ചിത്ര താരം സാനിക നമ്പ്യാരാണ് ഇളനീര് പരസ്യത്തില് അഭിനയിക്കുന്നത്. മുഖം ചെത്തിയ കരിക്കില് നിന്നും ഇറ്റുവീഴുന്ന ഇളനീര് ആസ്വദിച്ച് നൃത്തം ചെയ്യുന്ന പെണ്കുട്ടിയായി സാനിക അഭിനയിച്ചിരിക്കുന്നു. ചെന്നൈ എ വി എം സ്റ്റുഡിയോയിലായിരുന്നു പരസ്യ ചിത്രീകരണം.
നേരത്തെ പാലിന്റേയും മുട്ടയുടേയും പ്രചാരണത്തിനായി കേന്ദ്രസര്ക്കാര് പരസ്യചിത്രങ്ങള് നിര്മ്മിച്ച് സംപ്രേക്ഷണം ചെയ്തിരുന്നു. വിദേശക്കുത്തക പാനീയങ്ങള്ക്ക് ബദലായി ഇളനീരിനെ അവതരിപ്പിയ്ക്കുകയാണ് സര്ക്കാരിന്റെ ലക്ഷ്യം.