പാലൊളി എല്‍ഡിഎഫ് കണ്‍വീനര്‍

തിരുവനന്തപുരം: മുന്‍ മന്ത്രി പാലൊളി മുഹമ്മദ് കുട്ടിയെ ഇടതുമുന്നണി കണ്‍വീനറായി തെരഞ്ഞെടുത്തു. ജൂണ്‍ 14 വ്യാഴാഴ്ച ചേര്‍ന്ന ഇടതുമുന്നണി യോഗമാണ് ഈ തീരുമാനമെടുത്തത്.

കണ്‍വീനര്‍ സ്ഥാനത്തേക്ക് മുന്‍ മുഖ്യമന്ത്രി ഇ.കെ. നായനാര്‍ , കൊടിയേരി ബാലകൃഷ്ണന്‍, എം.എ. ബേബി എന്നിവരുടെ പേരുകള്‍ നിര്‍ദ്ദേശിക്കപ്പെട്ടിരുന്നു. എന്നാല്‍ എല്ലാവര്‍ക്കും സ്വീകാര്യമായത് പാലൊളി മുഹമ്മദ് കുട്ടിയുടെ പേരാണ്.

അനുഭവസമ്പത്തും പക്വതയും ഒത്തിണങ്ങിയ ഒരാള്‍ ഈ സ്ഥാനത്തുണ്ടാകണമെന്ന സിപിഎം സെക്രട്ടേറിയറ്റിന്റെ തീരുമാനത്തെ തുടര്‍ന്നാണ് പാലൊളിയെ തിരഞ്ഞെടുത്തത്.