മോട്ടോര് വാഹനവകുപ്പില് കമ്പ്യൂട്ടര്വല്ക്കരണം
തിരുവനന്തപുരം: മോട്ടോര് വാഹനവകുപ്പ് കമ്പ്യൂട്ടര്വല്ക്കരിക്കാനുള്ള നടപടികള് പൂര്ത്തിയായി. നാഷണല് ഇന്ഫോര്മാറ്റിക്സ് സെന്റര് (എന്ഐസി) തയ്യാറാക്കുന്ന സോഫ്റ്റ്വെയര് ഉപയോഗിച്ച് എല്ലാ പ്രാദേശിക ട്രാന്സ്പോര്ട്ട് ഓഫീസുകളെയും തമ്മില് കമ്പ്യൂട്ടര് ശൃംഖലയിലൂടെ ബന്ധിപ്പിക്കാം. ഡ്രൈവിംഗ് ലൈസന്സ് നല്കുവാനും വാഹനങ്ങളുടെ രജിസ്ട്രേഷന് നടത്താനും സോഫ്റ്റ്വെയര് ഉപയോഗിക്കാനാകും.
കര്ണാടകത്തിലെ മോട്ടോര് വാഹനവകുപ്പില് ഉപയോഗിക്കുന്ന അതേ സോഫ്റ്റ്വെയറാണ് കേരളത്തിലും ഉപയോഗിക്കുക. അടുത്താഴ്ചയോടെ എന്ഐസി സോഫ്റ്റ്വെയര് മോട്ടോര് വാഹനവകുപ്പിന് കൈമാറും. എന്നാല് സാമ്പത്തിക പ്രതിസന്ധി മൂലം കമ്പ്യൂട്ടര് വല്ക്കരണം വൈകുമെന്ന് ആശങ്കയുയര്ന്നിട്ടുണ്ട്.
തല്ക്കാലം തിരുവനന്തപുരത്തെ ഓഫീസുകളില് മാത്രം ഇത് നടപ്പാക്കിയാല് മതിയെന്നാണ് വകുപ്പിന്റെ തീരുമാനം. നേരത്തെ കെല്ട്രോണ് തയ്യാറാക്കിയ സോഫ്റ്റ്വെയര് ഉപയോഗിച്ചിരുന്നെങ്കിലും അത് കാര്യക്ഷമമല്ലായിരുന്നതിനാല് ഉപേക്ഷിക്കുകയായിരുന്നു.