കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ധവളപത്രനിര്‍ദേശങ്ങള്‍ നടപ്പാക്കാനാവില്ല

  • By Super
Google Oneindia Malayalam News

തിരുവനന്തപുരം: സംസ്ഥാന സര്‍ക്കാര്‍ പുറത്തിറക്കിയ ധവളപത്രത്തിലെ നികുതി നിര്‍ദേശങ്ങള്‍ സംസ്ഥാനത്ത് നടപ്പാക്കാനാവില്ലെന്ന് മുന്‍ ധനമന്ത്രി ടി. ശിവദാസമേനോന്‍. സര്‍വമേഖലകളിലും മരവിപ്പ് വരുത്തി ധനസ്ഥിതി മെച്ചപ്പെടുത്താന്‍ കഴിയില്ലെന്ന് മേനോന്‍ ചൂണ്ടിക്കാട്ടി.

ജൂണ്‍ 20 ബുധനാഴ്ച തിരുവനന്തപുരത്ത് കേരളാ പത്രപ്രവര്‍ത്തക യൂണിയന്‍ സംഘടിപ്പിച്ച മീറ്റ് ദി പ്രസില്‍ പങ്കെടുക്കുകയായിരുന്നു മേനോന്‍. ധവളപത്രത്തിലെ നിര്‍ദേശപ്രകാരം വൈദ്യുതി നിരക്ക് വര്‍ധിപ്പിച്ചാല്‍ കേരളത്തിലെ വ്യവസായങ്ങള്‍ പൂട്ടും. തൊഴിലാളികള്‍ വഴിയാധാരമാകും.

2002ല്‍ ശമ്പളപരിഷ്കരണം നടപ്പാക്കേണ്ടതാണ്. എന്നാല്‍ 100 ശതമാനം വേതനം മരവിപ്പിക്കാനാണ് ധവളപത്രം നിര്‍ദേശിക്കുന്നതെന്ന് മേനോന്‍ പറഞ്ഞു. വിദേശമദ്യവില്പന ബിവറേജസ് കോര്‍പ്പറേഷന് മാത്രമായി നല്കാന്‍ തീരുമാനിച്ചതോടെ സര്‍ക്കാരിന് പ്രതിവര്‍ഷം 1800 കോടി രൂപയുടെ വരുമാനം ഉണ്ടാക്കാനുള്ള സംവിധാനം എല്‍ഡിഎഫ് ഏര്‍പ്പെടുത്തുകയായിരുന്നു.

എല്‍ഡിഎഫിന്റെ കഴിഞ്ഞ അഞ്ച് വര്‍ഷത്തെ ശ്രമഫലമായാണ് ഏഷ്യന്‍ ഡവലപ്മെന്റ് ബാങ്കില്‍ നിന്നും 4500 കോടി സംസ്ഥാനത്തിന് വായ്പ ലഭിച്ചത്. ഇതിന് ഒമ്പത് ശതമാനം പലിശയേ ഉള്ളൂവെന്നും മേനോന്‍ ചൂണ്ടിക്കാട്ടി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X