കുര്യനും നമ്പ്യാരും കേരളത്തിലേക്ക്
തിരുവനന്തപുരം: അമുല് എന്ന സ്ഥാപനത്തെ വളര്ച്ചയുടെ ഉച്ചകോടിയിലെത്തിച്ച വി. കുര്യന്റെയും കെല്ട്രോണിനെ പ്രശസ്തമാക്കിയ കെ.പി.പി. നമ്പ്യാരുടെയും സേവനം സംസ്ഥാനം തേടുന്നു.
കേരളത്തിന് പുറത്ത് വെന്നിക്കൊടി പാറിച്ച ഈ രണ്ട് പ്രഗത്ഭരുടെയും സേവനം സംസ്ഥാനത്തിന് കിട്ടിയാല് നന്നായിരിക്കുമെന്ന് ബുദ്ധിയുദിച്ചത് കൃഷിമന്ത്രി കെ. ആര്. ഗൗരിയമ്മയ്ക്കാണ്. ജൂണ് 20 ബുധനാഴ്ച ഇവരുമായി മന്ത്രി ചര്ച്ച നടത്തി.
ഗൗരിയമ്മയുടെ താല്പര്യപ്രകാരം നമ്പ്യാരാണ് കുര്യനെ സംസ്ഥാനത്തെത്തിച്ചത്. തകര്ന്നുകൊണ്ടിരിക്കുന്ന മില്മയെ രക്ഷിക്കാനുള്ള ഒരു കര്മ്മപരിപാടിക്ക് രൂപം നല്കാന് കുര്യനോട് ഗൗരിയമ്മ അഭ്യര്ത്ഥിച്ചതായാണ് അറിയുന്നത്. ഗുജറാത്തിലെ അമുലിനെ നൂതനാശയങ്ങളിലൂടെ വന് ലാഭത്തിലെത്തിച്ചതിന്റെ മുഴുവന് കഴിവും കുര്യന്റേതായിരുന്നു. ലാഭം നേടാനായി മില്മ പാല്പ്പൊടിയും പഴച്ചാറും മറ്റും നിര്മ്മിച്ച് വിപണിയിലിറക്കിയെങ്കിലും ലക്ഷ്യത്തിലെത്തിയില്ല.
കണ്ണൂര് പദ്ധതിയുടെ കാര്യത്തില് വിഎസിനോടും നായനാരോടും തെറ്റിയ നമ്പ്യാരെ സംസ്ഥാനത്തിന് പരമാവധി പ്രയോജനപ്പെടുത്തണമെന്ന ആശയം ഗൗരിയമ്മ നമ്പ്യാരുടെ മുന്നില് വച്ചു. എന്നാല് എന്തെങ്കിലും വ്യവസായം തുടങ്ങാനാണ് താല്പര്യമെന്ന് നമ്പ്യാര് വ്യക്തമാക്കിയിട്ടുണ്ട്.