• search

തീവണ്ടിയപകടം: പാര്‍ലമെന്റില്‍ ഉന്നയിക്കും

  • By Staff
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    കോഴിക്കോട്: കടലുണ്ടി തീവണ്ടിയപകടത്തിന്റെ മുഴുവന്‍ ഉത്തരവാദിത്തവും റെയില്‍വേക്കാണെന്നും ബന്ധപ്പെട്ട മന്ത്രിമാര്‍ ഈ ഉത്തരവാദിത്തമേറ്റെടുത്ത് പ്രവര്‍ത്തിക്കണമെന്നും സംഭവസ്ഥലം സന്ദര്‍ശിച്ച എല്‍ഡിഎഫ് എംപിമാര്‍ ആവശ്യപ്പെട്ടു.

    പി.കെ.കൃഷ്ണദാസ്, പി.രാജേന്ദ്രന്‍, എ.വിജയരാഘവന്‍, എ.അജയകുമാര്‍, എ.കെ.പ്രേമജം, ടി.ഗോവിന്ദന്‍, സി.എം.പൗലോസ്, എ.പി.അബ്ദുള്ളക്കുട്ടി എന്നിവരാണ് ജൂണ്‍ 24 ഞായറാഴ്ച അപകടം നടന്ന സ്ഥലം സന്ദര്‍ശിച്ചത്. അപകടത്തില്‍ പെട്ട് കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചവരെയും എംപിമാര്‍ സന്ദര്‍ശിച്ചു.

    റെയില്‍വേ നടത്തുന്ന അന്വേഷണം പ്രഹസനമാവാനേ ഇടയുള്ളൂവെന്ന് എംപിമാര്‍ വാര്‍ത്താ സമ്മേളനത്തില്‍ പറഞ്ഞു. 1988ല്‍ നടന്ന പെരുമണ്‍ ദുരന്തത്തെ കുറിച്ച് അന്വേഷിച്ച റെയില്‍വേ കണ്ടെത്തിയത് അപകടത്തിന് കാരണം ചുഴലിക്കാറ്റ് ആണെന്നായിരുന്നു. ഇത്തരം പരിഹാസ്യമായ കണ്ടെത്തലുകള്‍ ആവര്‍ത്തിക്കാനേ ഇടയുളളൂ.

    സംഭവത്തെ കുറിച്ച് ജുഡീഷ്യല്‍ അന്വേഷണം നടത്തണമെന്ന് എംപിമാര്‍ ആവശ്യപ്പെട്ടു. ഇക്കാര്യം പാര്‍ലമെന്റില്‍ ഉന്നയിക്കും.

    റെയില്‍വേക്ക് കേരളത്തോടുള്ള, പ്രത്യേകിച്ച് മലബാറിനോടുള്ള അവഗണന ദുരന്തത്തിന് ഒരു കാരണമാണെന്ന് അവര്‍ ആരോപിച്ചു. കാലപ്പഴക്കം ചെന്ന റെയില്‍ പാളങ്ങളും പാലങ്ങളും ബോഗികളുമാണ് ഇത്തരം അപകടങ്ങള്‍ക്ക് കാരണമാവുന്നത്.

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more