എയര്‍ ഇന്ത്യാ വിമാനസമയത്തില്‍ മാറ്റം

തിരുവനന്തപുരം: ജൂണ്‍ 28 വ്യാഴാഴ്ച തിരുവനന്തപുരത്ത് നിന്നും ദുബായിലേക്കും അബുദാബിയിലേക്കുമുളള എയര്‍ ഇന്ത്യയുടെ വിമാനസര്‍വീസില്‍ മാറ്റം.

വ്യാഴാഴ്ച പുറപ്പെടുന്ന എഐ-947 വിമാനം രാത്രി എട്ട് മണിക്ക് പകരം വൈകുന്നേരം 4.30നായിരിക്കും തിരുവനന്തപുരത്തു നിന്നും പുറപ്പെടുക. മുംബൈയില്‍ നിന്നും തിരുവനന്തപുരത്തേക്കുള്ള എംഐ-684 വിമാനം ആറ് മണിക്ക് പകരം വൈകുന്നേരം 3.30ന് തിരുവനന്തപുരത്ത് എത്തിച്ചേരും.

ജൂണ്‍ 28ന് മാത്രമാണ് സമയമാറ്റം. 29 മുതല്‍ പഴയ സമയത്തില്‍ സര്‍വീസുകള്‍ തുടരുമെന്നും ചില സാങ്കേതിക കാരണങ്ങളാലാണ് സമയത്തില്‍ മാറ്റം വരുത്തിയതെന്നും എയര്‍ ഇന്ത്യ വൃത്തങ്ങള്‍ അറിയിച്ചു.