പി.സി.തോമസിനെ സസ്പെന്റ് ചെയ്തു

തിരുവനന്തപുരം: പി.സി.തോമസ് എംപിയെ കേരള കോണ്‍ഗ്രസ് (എം) ല്‍ നിന്ന് സസ്പെന്റ് ചെയ്യാന്‍ തീരുമാനിച്ചു. ജൂണ്‍ 29 വെള്ളിയാഴ്ച കോവളത്തു ചേര്‍ന്ന കേരള കോണ്‍ഗ്രസ് (എം) സംസ്ഥാന സെക്രട്ടറിയേറ്റ് യോഗമാണ് പുറത്താക്കല്‍ തീരുമാനം കൈകൊണ്ടത്.

പാര്‍ട്ടി വിരുദ്ധ പ്രവര്‍ത്തനത്തിന്റെ പേരിലാണ് തോമസിനെ സസ്പെന്റ് ചെയ്യുന്നതെന്ന് കേരള കോണ്‍ഗ്രസ് (എം) ചെയര്‍മാന്‍ സി.എഫ്.തോമസ് വാര്‍ത്താ സമ്മേളനത്തില്‍ അറിയിച്ചു. പി.സി. തോമസിന് നല്‍കുന്ന നോട്ടീസിന്മേല്‍ മറുപടി ലഭിച്ചശേഷം തുടര്‍ന്നുള്ള നടപടികള്‍ സ്വീകരിക്കുമെന്ന് അദ്ദേഹം അറിയിച്ചു.

കേരളാ കോണ്‍ഗ്രസിന്റെ സ്ഥാപക നേതാക്കളില്‍ ഒരാളായ പി. ടി. ചാക്കോയുടെ മകനും പാര്‍ട്ടിയുടെ ഏക എംപിയുമാണ് പി. സി. തോമസ്. ഇന്നത്തെ യോഗത്തില്‍ പ. സി. തോമസ് പങ്കെടുക്കുമെന്ന് കരുതിയിരുന്നെങ്കിലും അദ്ദേഹം പങ്കെടുത്തില്ല.

പാര്‍ട്ടി ഔദ്യോഗിക വിഭാഗവുമായി കുറെ നാളുകളായി ഇടഞ്ഞുനില്ക്കുന്ന തോമസ് ദേശീയ കര്‍ഷക മുന്നണി എന്നൊരു സംഘടന കഴിഞ്ഞയാഴ്ച രൂപീകരിച്ചിരുന്നു.