വീനസ്, ഡാവന്പോര്ട്ട് മൂന്നാം റൗണ്ടില്
ലണ്ടന്: നിലവിലെ ചാമ്പ്യനും രണ്ടാം സീഡുമായ അമേരിക്കയുടെ വീനസ് വില്യംസ് വിംബിള്ഡണ് ടെന്നീസിന്റെ വനിതാവിഭാഗം മൂന്നാം റൗണ്ടില് കടന്നു. ജൂണ് 28 വ്യാഴാഴ്ച വൈകീട്ട് നടന്ന മത്സരത്തില് സ്ലോവാക്യയുടെ ഡാനിയല ഹാന്റുച്ചോവയെ നേരിട്ടുള്ള സെറ്റുകള്ക്ക് തകര്ത്താണ് ചാമ്പ്യന് മുന്നേറിയത്. സ്കോര്: 6-3, 6-2.
മുന് ചാമ്പ്യനും മൂന്നാം സീഡുമായ അമേരിക്കയുടെ ലിന്ഡ്സെ ഡാവന്പോര്ട്ടും മൂന്നാം റൗണ്ടിലെത്തി. ആസ്ത്രേലിയയുടെ അലീഷ്യ മോളിക്കിനെ 6-4, 6-2 എന്ന സ്കോറിനാണ് ഡാവന്പോര്ട്ട് തകര്ത്തുവിട്ടത്.
ആറാം സീഡ് അമേലി മോറീസ്മോ, 11ാം സീഡ് അമാന്ഡ കോസ്റര്, 14ാം സീഡ് ജെലേന ഡോക്കിച്ച് എന്നിവരും മൂന്നാം റൗണ്ടില് കടന്നു.
പുരുഷവിഭാഗത്തില് അഞ്ചാം സീഡ് ആസ്ത്രേലിയയുടെ ലെയ്ട്ടന് ഹെവിറ്റ് മാരത്തോണ് പോരാട്ടത്തിനൊടുവില് മൂന്നാം റൗണ്ടില് കടന്നു. അമേരിക്കയുടെ സീഡ് ചെയ്യപ്പെടാത്ത താരം ടെയ്ലര് ഡെന്റിനെതിരെ അഞ്ചു സെറ്റ് നീണ്ട മത്സരത്തിലാണ് ഹെവിറ്റ് ജയിച്ചുകയറിയത്. സ്കോര്: 1-6, 7-5, 6-3, 6-7, 6-3.
19ാം സീഡ് നിക്കോളാസ് കെയ്ഫര്, 20ാം സീഡ് ഫാബ്രിസ് സാന്റോരോ, 27ാം സീഡ് ഹിച്ചം അറാസി എന്നിവരും പുരുഷവിഭാഗം മൂന്നാംറൗണ്ടിലെത്തി.