കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വാജ്പേയി പ്രതിഷേധിച്ചു; റിപ്പോര്‍ട്ട് ആവശ്യപ്പെട്ടു

  • By Staff
Google Oneindia Malayalam News

ദില്ലി: തമിഴ്നാട് മുന്‍ മുഖ്യമന്ത്രി എം. കരുണാനിധിയെ അറസ്റ് ചെയ്ത രീതിയില്‍ പ്രധാനമന്ത്രി അടല്‍ ബിഹാരി വാജ്പേയി ഞെട്ടല്‍ പ്രകടിപ്പിച്ചു. കേന്ദ്രമന്ത്രിമാരായ മുരശൊലിമാരനെയും ടി.ആര്‍. ബാലുവിനെയും മര്‍ദ്ദിച്ച പൊലീസ് നടപടിയെയും പ്രധാനമന്ത്രി അപലപിച്ചു.

സംഭവത്തെക്കുറിച്ച് വിശദമായ റിപ്പോര്‍ട്ട് നല്‍കണമെന്ന് പ്രധാനമന്ത്രി തമിഴ്നാട് ചീഫ് സെക്രട്ടറിയോട് ആവശ്യപ്പെട്ടിട്ടുണ്ട്. പുതിയ സംഭവവികാസങ്ങള്‍ അതാതു സമയത്ത് അറിയിക്കാനും പ്രധാനമന്ത്രി ആവശ്യപ്പെട്ടിട്ടുണ്ട്.

അറസ്റിനെക്കുറിച്ച് ജൂണ്‍ 30 വെള്ളിയാഴ്ച പുലര്‍ച്ചെ നാലു മണിയോടെയാണ് പ്രധാനമന്ത്രിയെ ധരിപ്പിച്ചതെന്ന് ഔദ്യോഗിക വക്താവ് അശോക് ടാണ്ടന്‍ പറഞ്ഞു. കരുണാനിധിയെ അറസ്റു ചെയ്ത രീതിയും കേന്ദ്രമന്ത്രിമാരെ മര്‍ദ്ദിച്ചതും പ്രധാനമന്ത്രി ടിവിയില്‍ കണ്ടിട്ടുണ്ട്. ഉടന്‍ തന്നെ തമിഴ്നാട് മുഖ്യമന്ത്രി ജയലളിതയുമായി ബന്ധപ്പെടാന്‍ പ്രധാനമന്ത്രി ശ്രമിച്ചെങ്കിലും നടന്നിട്ടില്ല.

ഉറക്കത്തില്‍ നിന്ന് ഉണര്‍ത്തി കരുണാനിധിയെ അറസ്റു ചെയ്തതും അദ്ദേഹത്തെ വലിച്ചിഴച്ചതും പ്രധാനമന്ത്രി വളരെ ഗൗരവമായാണ് കാണുന്നതെന്ന് വക്താവ് പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X