അഗാസി, റാഫ്റ്റര്, വീനസ് പ്രീക്വാര്ട്ടറില്
ലണ്ടന്: അമേരിക്കയുടെ ആന്ദ്രെ അഗാസി, ആസ്ത്രേലിയയുടെ പാട്രിക് റാഫ്റ്റര് എന്നിവര് പുരുഷവിഭാഗത്തിലും നിലവിലെ ചാമ്പ്യന് അമേരിക്കയുടെ വീനസ് വില്യംസ് വനിതാവിഭാഗത്തിലും വിംബിള്ഡണിന്റെ പ്രീക്വാര്ട്ടറിലെത്തി.
ചിലിയുടെ നിക്കോളാസ് മാസുവിനെ 6-3, 6-1, 6-1 എന്ന സ്കോറിനാണ് രണ്ടാം സീഡ് അഗാസി തോല്പിച്ചത്. കഴിഞ്ഞ തവണത്തെ റണ്ണറപ്പായ പാട്രിക് റാഫ്റ്ററും നേരിട്ടുള്ള സെറ്റുകള്ക്കാണ് ജയിച്ചത്. മൗറീഷ്യസിന്റെ ഹിച്ചം ഹറാസിയെ 7-6, 6-4, 7-5 എന്ന സ്കോറിനാണ് റാഫ്റ്റര് പരാജയപ്പെടുത്തിയത്.
29ാം സീഡ് റഷ്യയുടെ എലേന ലിക്കോസേവയെ 6-2, 6-2 എന്ന സ്കോറുകള്ക്ക് തകര്ത്താണ് നിലവിലെ വനിതാ ചാമ്പ്യന് വീനസ് വില്യംസ് പ്രീക്വാര്ട്ടറില് ഇടം നേടിയത്. അതേസമയം ആറാം സീഡ് ഫ്രാന്സിന്റെ അമേലി മൗറീസ്മോയ്ക്ക് മൂന്നാം റൗണ്ടില് അടി തെറ്റി. 31ാം സീഡ് തായ്ലന്ഡിന്റെ തമരിന് താനാ സുഗന് ആണ് മൗറീസ്മോയുടെ വിംബിള്ഡണ് മോഹങ്ങള് ഇല്ലാതാക്കിയത്. സ്കോര്: 6-4, 6-4.