വിവാദമായ ഭാഗം ഗവര്ണര് ഒഴിവാക്കിയതല്ല: ആന്റണി
തിരുവനന്തപുരം: നയപ്രഖ്യാപനത്തില് ഒരു ഭാഗം ഗവര്ണര് വായിക്കാതെ വിട്ടത് മനപ്പൂര്വമല്ലെന്ന് രാജ്ഭവനില് നിന്ന് അറിയിപ്പ് കിട്ടിയതായി മുഖ്യമന്ത്രി എ.കെ. ആന്റണി പറഞ്ഞു.
ജൂലായ് നാല് ബുധനാഴ്ച മന്ത്രിസഭായോഗത്തിനു ശേഷം വാര്ത്താലേഖകരോട് സംസാരിക്കുകയായിരുന്നു മുഖ്യമന്ത്രി. ഇക്കാര്യം ഒരു തര്ക്കവിഷയമാക്കാന് സര്ക്കാരിന് താല്പര്യമില്ലെന്ന് അദ്ദേഹം വ്യക്തമാക്കി. സര്ക്കാര് നേരത്തെ അയച്ചിരുന്ന നയപ്രഖ്യാപന പ്രസംഗം തിരുത്തൊന്നുമില്ലാതെ തന്നെ ഗവര്ണര് തിരിച്ചയച്ചിരുന്നുവെന്നും മുഖ്യമന്ത്രി പറഞ്ഞു.
സാമ്പത്തിക പ്രതിസന്ധി നേരിടുന്ന സംസ്ഥാനത്തെ രക്ഷിക്കാന് സര്ക്കാര് നടത്തുന്ന ആഘോഷപരിപാടികളുടെ ചെലവ് കുറയ്ക്കും. ഇതിന്റെ മുന്നോടിയായി വരുന്ന ഓണാഘോഷ പരിപാടികളുടെ ചെലവ് കഴിഞ്ഞ വര്ഷത്തിന്റെ നേര്പകുതിയാക്കി കുറയ്ക്കാന് മന്ത്രിസഭ തീരുമാനിച്ചു.
ഉമ്മന്ചാണ്ടിയുടെ മുറിയിലാണ് സംസ്ഥാന ഭരണം നടക്കുന്നതെന്ന് താന് പറഞ്ഞിട്ടില്ലെന്ന് കരുണാകരന് വ്യക്തമാക്കി.