മാവൂര്‍: തൊഴിലാളികള്‍ പിരിയില്ലെന്ന്

തിരുവനന്തപുരം: തൊഴില്‍മന്ത്രിയുടെ സാന്നിധ്യത്തില്‍ മാനേജ്മെന്റുമായി നടത്തിയ ചര്‍ച്ചയില്‍ നഷ്ടപരിഹാരത്തുകയുടെ നികുതി തൊഴിലാളികള്‍ നല്‍കുമെന്ന് പറഞ്ഞിട്ടില്ലെന്ന് തൊഴിലാളി സംഘടനകള്‍.

തൊഴിലാളികള്‍ക്ക് നല്‍കുന്ന നഷ്ടപരിഹാരത്തുകയുടെ നികുതി മാനേജ്മെന്റ് തന്നെ അടയ്ക്കണമെന്നാണ് തൊഴിലാളികളുടെ നിലപാട്. ഫാക്ടറി അടയ്ക്കാനുള്ള ഒരുക്കങ്ങള്‍ പൂര്‍ത്തിയായെങ്കിലും ശമ്പളം കണക്കാക്കി നല്‍കുന്ന നഷ്ടപരിഹാരത്തുക കിട്ട ില്ലെന്ന ആശങ്കയുള്ളതിനാല്‍ തൊഴിലാളികള്‍ പിരിഞ്ഞുപോകാന്‍ തയാറാകില്ലെന്ന് തൊഴിലാളി നേതാക്കള്‍ തിരുവനന്തപുരത്ത് അറിയിച്ചു.

പഞ്ചിംഗ് കാര്‍ഡ് പോലും മാനേജ്മെന്റ് പിടിച്ചുവച്ചിരിക്കുന്നതിനാല്‍ ശമ്പളം തടയുമെന്നാണ് തൊഴിലാളികള്‍ ഭയപ്പെടുന്നത്. എന്നത്തെയും പോലെ ജോലിക്ക് ഹാജരാകാനാണ് തൊഴിലാളികളോട് നേതാക്കള്‍ നിര്‍ദേശിച്ചിരിക്കുന്നത്.